محمد الشريف
في مقابلة جديدة، ذكر مدير ننتيندو بريطانيا ان ننتيندو تسوي كل اللي تقدر عليه عشان تكون ماريو كارت 8 (Mario Kart 8) اللعبة اللي تدف جهازها ويي يو وتخليه يلحق بمنافسينها.
يقول مدير ننتيندو بريطانيا: “ماريو كارت 8 تعرض لك قوّة الويي يو الحقيقية. فيها رسوم عالية الجودة HD بالاضافة الى ان اللعبة تشتغل بستين اطار في الثانية سواءً في طور لاعب واحد أو طور تعدد اللاعبين”.
“أحس ان ماريو 8 بتكون هي اللعبة اللي بتدفع الويي يو في كل مكان. من المهم جداً اننا نبدأ بداية ناجحة ونحافظ على هالنجاح خلال السنة هذي والسنوات الجاية كلها”.
يبدو ان ننتيندو معلقة آمالها من جد على لعبتها المعروفة، لكن هل هاللعبة بتكون منقذ الويي يو؟ ما أعتقد، مشكلتي الكبيرة مع الجهاز انه لا زال غالي جداً اذا قارنناه مع أجهزة الجيل الجديد، خصوصاً بلاي ستيشن 4. وي يو ينباع هنا بحوالي 1600 ريال بينما بلاي ستيشن 4 بـ1899 ريال. اذا اعتبرت الفرق الكبير بين المواصفات في الجهازين فاحتمال تلاحظ ان سعر الويي يو مبالغ فيه.
عموماً، أتمنى ان ننتيندو يتعدل وضعها، وعلى كثر الكراهية الكبيرة للشركة هذي من اللاعبين، الا اني أشوف ان وجود هالشركة مهم جداً في عالم ألعاب الفيديو.
وش رأيك أنت، هل تعتقد ان ماريو كارت 8 بتنقذ الويي يو؟ وايش الأشياء الثانية اللي تعتقد انها بتنقذ الوي يو؟
احمد خالد
بارعة
