مايكروسوفت أضافت عدد من الخاصيات والميزات الجديدة في تطبيق Xbox App على نظام ويندوز 10. التطبيق موجود في نسخة المختبرين من النظام، والهدف من التطبيق هو تفاعل كمبيوترك مع جهاز الإكسبوكس. تم اضافة ميزة تصوير اللعب عن طريق البرنامج الي تتحكم فيه عن طريق الكمبيوتر (خاصية DVR) و التصوير يتم بسهولة مع إختصارات الكيبورد الي تحددها بنفسك.
كمان خصصو لكل لعبة Hubs خاص فيها بحيث تقدر تشوف الإنجازات ومين لعب اللعبة من خوياك والي تتشابه مع الخاصية الموجودة في جهاز الإكسبوكس ون. أيضاً تقدر تعدل صورة شخصيتك عن طريق التطبيق تغير مظهرها مثلاً او حتى ملابس الشخصية. تقدر تشوف هالخاصيات عن طريق المقطع التالي بشكل أفضل 🙂 .
كمان تقدر تحدد أولويات لأصدقائك بحيث تحدد مين فيهم يقدر يشوف قائمة أصدقائك. برضو تقدر تطفي جهاز الإكسبوكس من خلال التطبيق لو كان متصل في نفس شبكة الكمبيوتر. طبعاً ويندوز 10 حتى الآن لم يحدد موعد إصداره لكن متوقع ينزل في هذا الصيف ومستخدمي ويندوز 7 وويندوز 8 راح تتاح لهم ترقية مجانية لويندوز 10 لفترة محدودة.
هل تشوف ان التطبيق راح يكون له فايدة فعلاً؟ ولا هو مجرد اضافة عادية للنظام الجديد؟
