يمكن يكون توجه الصناعة برأي المحللين وبعض اللاعبين أن الصناعة متوجهه بشكل كامل للمحتوى الرقمي وراح يتم التخلي عن إستخدام الأقراص مع مرور الوقت.
الدراسة الجديدة اللي شارك فيها 1000 لاعب من مختلف الأجهزة المنزلية إضافة للبي سي تقول عكس هالكلام تماما وهو أن الناس ما زالوا يفضلون حتى هذه اللحظة أنهم يأخذون ألعابهم كأقراص بدل تحميلها رقميا.
الدراسة أشارت أنه اقل من 20 بالمئة هو مجموع الألعاب اللي يتم شرائها رقميا وأن أغلب مبيعات الناشرين زي أكتيفيجن و EA من هذه المشتريات الرقمية تشمل المحتويات الإضافية والخدمات اللي يكون فيها إشتراك دوري أكثر من شراء الألعاب نفسها.
عبر 100 من لاعبي البي سي اللي يستخدمون شبكة ستييم رضاهم بتجربتهم الرقمية مع الخدمة أكثر من لاعبي الأجهزة المنزلية ( البلايستيشن والإكس بوكس ) اللي ما زالوا يفضلون شراء ألعابهم على شكل أقراص خاصة أنه يمديك في حال شريت اللعبة كقرص يمديك تبيعها بعدين وهذا الشيء صعب وغير ممكن حاليا في حال شريت اللعبة رقميا.
نجي لسؤال وش الشيء اللي بيغير هذا التوجه ويحدث ثورة رقمية في الأجهزة المنزلية؟ أصحاب الدراسة يقولون راح يتغير هالشيء لما تجي خدمة ممتازة وموثوقة زي نتفلكس ( Netflix ) للاعبي هذه الأجهزة أو يتم توفير خيار سهل من قبل الموزعين الرقميين يسمح بخيار إعادة بيع اللعبة من قبل المستخدم إلى مستخدم آخر أو يتم تخفيض أسعار الألعاب الرقمية بسعر أقل من 60 دولار.
أنا من الأشخاص اللي يفضلون يشترون ألعابهم على شكل أقراص عشان يمديني أبيعها بعدين أو أتبادل فيها مع واحد من الربع أحسن من أني أشتري لعبة ب200 ريال بشكل رقمي وأخلصها في 6 ساعات وبعدين تقعد عندي بدون ما أستفيد منها. سؤالي لكم يا شباب هل تفضلون تشترون ألعابكم على شكل أقراص أو بشكل رقمي وليش؟ شاركونا أرائكم في التعليقات.
