في خلال مقابلة مع Kotaro Oki المخرج الإبداعي للعبة Metal Gear Online والي تم الكشف عنها مؤخراً ، ذكر بعض المعلومات المهمة عن اللعبة.
- ما ندري إذا كنا بنطلق لعبة MGO بنفس اليوم الي نطلق فيه The Phantom Pain ولكن نتوقع أننا بنطلقهم بوقت متقارب.
- ماتم تحديد عدد اللاعبين إلى الأن ، ولكننا نبحث عن عدد يوفر المتعة لكل اللاعبين ، ويحتمل أنه يكون بين 12 و 16 لأن مع زيادة عدد اللاعبين بيروح طعم العمل التعاوني باللعبة.
- كما أعلنا سابقا بترجع رسائل الراديو باللعبة كطريقة للتواصل بين اللاعبين
- تم استبدال نظام SOP System اللي كان في ميتال جير اونلاين اللي راح وحطوا بداله نظام اسمه making system. اذا صوّبت على واحد من فريق الخصم وأشرت عليه، باقي أعضاء فريقك بيشوفونه ويعرفون موقعه.
- عشان نضمن حركة سريعة للعبة ، بتكون المباريات بنفس الخريطة الي أنت فيها ضد لاعبين ثانيين يعني ما بتكون عالم مفتوح.
- بيكون فيه طقس متغير باللعبة ، نفس الي بطور القصة بالضبط ولكن لأن المباريات ما بتكون طويلة ما بيكون الطقس متغير فعلياً بس باقي تقدر تختار الوقت الي تلعب فيه.
- من ممكن أننا نضيف ميزة Selfie (تصوّر نفسك وسط اللعبة) باللعبة.
- اللعبتين بتأثر على بعض عشان توازنهم ولكن ماهو شيء إجباري أبدا انك تلعب The Phantom Pain عشان تجيب أسلحة أقوى في MGO.
ما تم الإعلان عن موعد إصدار اللعبتين إلى الآن ولكن الي نعرفه أنها بتنزل بوقت ما من عام 2015 على بلاي ستيشن 3 وإكس بوكس 360 وبلاي ستيشن 4 وإكس بوكس ون والبي سي.
وش رأيك بهذي المعلومات؟
