نزل اليوم فيديو جديد للعبة Dragon’s Dogma Online يستعرض طريقة عمل الأونلاين في اللعبة وتنوع المهمات اليومية.
الفيديو هو جزء من حدث Dengeki PlayStation شاركت كابكوم فيه بمعلومات وتفاصيل جديدة عن اللعبة بلخص لكم أهم الأشياء اللي تكلموا عنها:
- اللوبي ( Lobbie ) الواحد يشيل 100 لاعب كحد أقصى.
- اللعبة تدعم اللعب المشترك بين سيرفرات اللعبة يعني تقدر تروح للسيرفر اللي فيه خويك وتلعب معه.
- قائمة المهمات بتتغير بشكل يومي.
- قائمة المهمات بتكون متنوعة وراح يكون فيه مهمات بسيطة تقدر تخلصها لحالك.
- بيكون فيه مكان خاص تاخذ منه المهمات الرئيسية اللي تخليك تتقدم في قصة اللعبة.
- بتكون فيه طرق بسيطة للتواصل بين اللاعبين وسط المهمات زي الإيماءات وبعض الجمل البسيطة وبعض هالجمل بتكون صوتية كذلك.
- في مناطق متنوعة في اللعبة زي الغابات والبحيرات والكهوف وغيرها الكثير.
وش رأيكم شباب باللي شفتوه في الفيديو والمعلومات اللي قريتوها هل زادت حماسكم للعبة أو لا؟ شاركونا ارائكم في التلعيقات.
