شركة نينتندو (Nintendo) راح تنزل برنامج على الاجهزة الذكية يسمح للمستخدمين بأنهم يحملوا الصور الرمزية (avatar) اللي اسمها ميي افاتار (mii avatar) ويستخدموها كأيقونات في القنوات الاجتماعية. رئيس شركة نينتندو ساتورو ايواتا (Satoru Iwata) قال انه مازال حذر بخصوص سوق الجوالات لكنه مازال عند كلمته اللي قالها من قبل بحيث انه مهتم بتطوير منتجات نينتندو على الجوالات.
قال ايواتا: “في السابق كنت ضد فكرة انشاء مشاريع تحت مسمى نينتندو على الاجهزة الذكية والأجهزة اللوحية، لكن اسعار محتويات هذي الاجهزة بتنخفض بشكل سريع وانا مازلت حذر حول هذي الفئة -يقصد فئة الجوالات والتابليتس-. احنا ناوين اننا نطور منتجات تجعل المستهلكين يتعرفوا عن منتجات نينتندو اكثر وهذا الشي راح يجعل الناس يهتموا اكثر بالعاب نينتندو.”
نينتندو اعلنت من قبل انها راح تصدر برنامج خاص بالجوالات اسمه ميي ابب (Mii app)، ووقت الاصدار كان خلال عام 2014 الا ان الموعد اتأجل لعام 2015 بسبب انه يحتاج تطويرات اكثر.
قال ايواتا ان اللاعبين اذا استخدموا شخصيات الميي (Mii characters) كأيقونات لهم فهذا الشي راح يكون ممتع، ووضح ايضا ان البرنامج هذا الخاص بالجوالات راح يصدر في وقت قريب من اعلان نتائج السنة لشركة نينتندو.
اش رايكم بالخبر وهل انتوا متحمسين للبرنامج ولمنتجات نينتندوالمستقبلية واللي متعلقة بالجوالات؟
