محمد الشريف
مطوّر لعبة Uncharted 4: A Thief’s End يقول انه ما يبغى يرفع عدد اطارات اللعبة (frame-rate) فوق 30 اطار في الثانية لو كان فيه احتمال انه يسبب أي اعاقة أو صعوبة في تجربة اللاعب.
بالنسبة للعرض اللي شفناه حق اللعبة، مطوّر اللعبة قفّل عدد الاطارات الى 30 اطار في الثانية بحيث ما يطلع فوقها، ولا هم يقدرون يرفعونها الى أكثر من 30. يقول مخرج اللعبة Bruce Straley:
” حنا قدرنا نوصّل عدد الاطارات الى أكثر من 30 اطار في الثانية، لكننا قفّلنا عدد الاطارات على 30 بحيث ما يطلع عنها. بنسوي كل شي نقدر عليه عشان نكوّن اللعبة اللي نبغاها. لو كان بامكاننا اننا نوصّل الى 60 اطار في الثانية ونفقد شي بيأثر بشكل كبير على تجربة اللاعب، فحنا كمطورين بيكون قرارنا:’ بنخلّي اللعبة تشتغل بعدد أعلى من 60 اطار في الثانية”.
يقول المصدر انه جرّب ديمو للعبة، وكان يشتغل الديمو بعدد 37 اطار في الثانية.
كل ألعاب نوتي دوق كانت تشتغل على 30 اطار في الثانية، سواءً سلسلة أنتشارتد أو لعبتهم The Last of us، باستثناء الاصدار المحسّن اللي نزل على بلايستيشن 4 فهو يشتغل 60 اطار في الثانية، عشان كذا تلاحظ انها أسرع وأكثر سلاسة من نسخة بلايستيشن 3.
قبل أمس صرّح الاستديو انه يطمح للعبة أنتشارتد 4 انها تكون التجربة المثالية للسلسلة، وقبلها بفترة تكلّموا في مقابلة مطوّلة عن أشياء كثيرة حول اللعبة.
وش رأيك في تصريح نوتي دوق؟
احمد خالد
