مشهور الدبيانلعبة Mulled هي لعبة الغاز على الآيفون والآيباد من تطوير الشباب في Hako Games أحمد الحداد وعبدالله كونش – شغل سعودي 100% برمجة وتصميم، وصراحة جودتها العالية تخليك تفخر بهالشي.
اللعبة “ادمانية” وفيها اكثر من 100 لغز بيشغلونك ويحركون مخك لوقت طويل. سعر اللعبة $0.99 يعني خلنا نقول 4 ريال، يعني سعر ساندوتش فلافل اذا محل الفلافل المفضّل عندك يخاف ربه وما رفع السعر، وساندوتش الفلافل تخلصه بالكثير بعشر دقايق اذا انت من النوع اللي يطوّل في الاكل، بينما هاللعبه بتسليك لساعات، فتكفى لا تستقعد على سالفة “ليش ماهي ببلاش؟”.
على طاري الاستقعاد، اللعبة ما تدعم العربي لان التقنية اللي يستخدمونها الشباب لعرض النصوص تعرض العربي بشكل قبيح جداً، وبالتالي قرروا ما يدعمونه، خاصة ان اللعبة جداً جداً بسيطة وما تتطلب يكون عندك لغة أصلاً.
وأخيراً، هذا رابط اللعبة على الستور
مسابقة وقّافي: عندنا 4 اكواد للعبة بنعطيها لاربع أشخاص – نختارهم عشوائياً – من اللي راح ينشرون الموضوع بتويتر عن طريق زر Tweet في آخر الموضوع. بنرسل الاكواد للفائزين بنهاية اليوم ان شاءالله.
تم اختيار الفائزين عشوائياً. مبروك للفائزين @Abo_Fisal @juma94 @Ra7im_sh (بالمناسبة اكتشفنا اننا كاتبين 4 اكواد عن طريق الخطأ، مع ان اللي كان عندنا 3. آسفين على هالخطأ)
أيمن اليغشي
بارعة
احمد خالد
