أفضل ألعاب 2014مقالات

أكثر لعبة فاجأتنا في 2014

mostsurprisinggamein2014

الفائز في جائزة أكثر لعبة فاجأتنا في 2014 هي لعبة Middle-Earth: Shadow of Mordor. نزلت اللعبة على بلايستيشن 4، بلايستيشن 3، اكس بوكس ون، اكس بوكس 360، وبي سي.

من أكثر الجوائز اللي نتحمس لها في كل سنة، بحيث في كل سنة نتفاجأ بلعبة تنزل ولا أحد فينا حاسب لها حساب أو متحمس لها كثير، ولكننا نتفاجأ ونكتشف انها من أكثر الألعاب اللي استمتعنا فيها.

السنة هذي نزلت بعض الألعاب الممتازة والي ما كان عليها اهتمام من اللاعبين، خلونا نشوف أهم هالألعاب:

  • Valiant Hearts
  • Child of Light
  • Shadow of Mordor

بالنسبة لفاليانت هارتس وبنت النور، فهي كلها من ألعاب يوبيسوفت، من ستديوات التطوير الصغيرة داخل الشركة. هاللعبتين ما كانت عليهم اهتمام كبير، وتفاجأنا بمستوى اللعبتين المبهر، خصوصاً فاليانت هارتس. فاليانت هارتس لعبة بسيطة، ولكنها تحكي قصة عاطفية في وسط الحرب العالمية الأولى والأحداث الدموية اللي صارت فيها، وأضاف على التجربة المعلومات الحقيقية اللي ترويها لك اللعبة. هاللعبة حبّها محمد الشريف وسامي الرميح بشكل كبير.

لكن، كل هالمفاجآت ما كانت بكبر المفاجأة اللي عاشها الفريق مع لعبة Shadow of Mordor، وهي لعبة مغامرات عالم مفتوح في عالم Lord of the Rings. عشنا تجربة خرافية مع اللعبة اللي ما توقعنا لها أي توقع، واستمتعنا بنظام القتال فيها وبنظام Nemisis الجديد واللي تواجه فيه “زعماء” في عالم اللعبة، بحيث اذا فازوا عليك يتم ترقيتهم ويصيرون أقوى!

كل هالأسباب خلّتنا نختار Middle-Earth: Shadow of Mordor كأكثر لعبة فاجأتنا في عام 2014.

وش أكثر لعبة فاجأتك هذي السنة؟

الوسوم
اظهر المزيد

Saudi Gamer

اذا شفت اسمي هنا فمعناتها أن الموضوع اشتغل عليه أكثر من واحد من فريق العمل، أو انه تصريح رسمي باسم الموقع. بس لا تخلي هالشي يمنعك من انك تتابعني في تويتر وانستقرام. عادي لا تستحي.
إغلاق