Saudi Gamer
فيه ألعاب تلعبها وتستمتع فيها، وهذا شي معروف. لكن فيه ألعاب أنت تلعبها، ولكن تلاحظ ان اخوك اللي احتمال ما له اتمام في ألعاب الفيديو جذبت اللعبة انتباهه وصار يجلس معك ويشاركك التجربة.
من المرشحين لهذي الجائزة لعبة Beyond: Two Souls واللي بيستمتع معك فيها اللي يتفرج، بتلاحظه يشاركك الخيارات ويقولك اختر القرار الفلاني، أو رح كلم الشخص الفلاني! نفس الشي تماماً مع لعبة The Wolf Among Us اللي متابعينا في قناة يوتيوب تحمسوا كثير مع جميل وهو يلعبها.
من المرشحين برضو The Last of Us واللي احتمال كبير ان اللي يتفرج عليها معك بيتحمس مع القصة الخارقة والشخصيات الممتازة، فتلقاه مهتم بالشخصيات مثل Ellie والأحداث اللي تصير في القصة. أخيراً اللعبة الهائلة Grand Theft Auto V واللي بتضحك اللاعب واللي يتفرج معه من كثر الفكاهة اللي في اللعبة، بالاضافة الى الاحداث الرهيبة اللي فيها.
كل هذي الألعاب ما لاحظنا انها جذبت انتباه اللي يتفرج معك مثل لعبة Papers, Please! واللي أمتعت مشاهدين قناتنا في يوتيوب لدرجة انهم صاروا يسألون عن المقاطع الجديدة للعبة في الموقع، ويوتيوب، وتويتر!
عشان هالسبب، اخترنا لعبة Papers, Please! كأكثر لعبة استمتعنا نتفرج عليها.
وش رأيك في لعبة Papers, Please!؟ ووش أكثر لعبة لاحظت ان اللي يتفرجون عليها جذبت اهتمامهم أكثر بالنسبة لك؟ شاركنا رأيك في التعليقات!
