Grand Theft Auto V (جراند ثيفت أوتو 5)
بتنزل على: Xbox 360, PS3
من المتعارف عليه في عالم ألعاب الفيديو، ان في نهاية كل جيل تظهر ألعاب أسطورية. غالباً في بداية الجيل الأجهزة تكون جديدة على المطوّرين وأكثرهم يحاول يستوعب الجهاز ويثبت قدرات لعبته عليه، وغالباً ما نشوف هذا الشي يتم عن طريق استعراض الجرافيكس أو وضع ميزات جديدة كلياً تكون مرتبطة بقوّة الجهاز. لكن في نهاية الجيل، أغلبية المطوّرين يصيرون متمكّنين من الأجهزة ولا عندهم شي يثبتون نفسهم عليه الا أفكارهم الجديدة. ولا عندنا شك ان السنة الجاية بتكون من أفضل السنين من ناحية الألعاب اللي بتنزل فيها. جراند ثيفت أوتو، ومين ما يعرف جراند ثيفت أوتو؟ سلسلة بدأت على نهاية البلاي ستيشن الأول وثارت على كل الألعاب على بداية جيل البلاي ستيشن 2 والاكس بوكس الأول بجزئها الثالث، وعرضت للناس فكرة وطبقتها بأفضل صورة، وهي فكرة “العالم المفتوح” وهي بدل ما يكون اللاعب يمشي في أماكن خطّية، صار بامكانه يتمشى في كل مراحل اللعبة ويسوّي اللي يبغى من مهمات جانبية، أو يطوّر من نفسه أو يتاجر ويكسب فلوس يستفيد منها، أو حتى يقلب الدنيا آكشن واجرام ويكسّر كل شي قدامه ويبدأ مطاردات مع الشرطة.
في نهاية 2011، روك ستار، ومن بين زحمة الألعاب اللي كانت موجودة وقتها، وبينما اللاعبين مشغولين يخلصون الألعاب ويحاولون يلحقون عليها، طلعت لنا وبدون سابق انذار بعرض خيالي وصلت عدد مشاهداته الى 30 مليون مشاهدة! وبعد انقطاع وسكوت طويل، رجعت روك ستار ببعض الأخبار والصور ولكن كل هذي على جنب والعرض الثاني اللي وصلت مشاهداته الى 16 مليون على جنب. في 2013، روك ستار بتنزّل الجزء الخامس من السلسلة اللي وعدتنا فيه الكثير والكثير من الأشياء اللي ما نقدر نذكرها لكثرتها. هل بتكون جراند ثيفت أوتو 5 قد الانتظار والحماس اللي فينا؟ ما نقدر نسوي شي الا اننا ننتظر الين ما تنزل اللعبة ونشوف، وحتى وقت نزول اللعبة، ما بيدّنا الا اننا ننتظرها على أحر من الجمر.
وش أكثر لعبة متحمس لها في 2013؟ شاركنا برأيك!
فيديو اللعبة:
