لفائز في جائزة أكثر لعبة أدمنّا عليها هي لعبة Destiny. نزلت اللعبة على بلايستيشن 4، بلايستيشن 3، اكس بوكس ون، اكس بوكس 360.
أكثر لعبة ادمنّا عليها، ونقصد فيها لعبة صرنا نلعبها لوقت طويل مره. الألعاب الادمانية كثيرة ولكن هذي السنة ما شفنا الكثير منها، ولكن قدرنا نرشح بعض الألعاب الجيدة:
- Destiny
- Titanfall
- Super Smash Bros.
- Dark Souls II
لعبة تايتنفول كانت من أكثر الألعاب اللي أدمنّا عليها، بحيث احتوت اللعبة على خلطة ممتازة: سرعة كول أوف دوتي مع عالم خيالي متطوّر فيه آليات. لعبة سوبر سماش ما يخفى على القارئ انها من أكثر الألعاب ادماناً، وهذا شي متعارف عليه من هالسلسلة. لعبة دارك سولز 2 برضه تعتبر من أكثر الألعاب الادمانية بسبب التحدي اللي عشناه فيها، وكثرة عقوبات اللعبة اللي خلتنا نرجعلها كل شوي.
أما بالنسبة لديستني، فهذي اللعبة وضعها غريب وعجيب، اخترنا هاللعبة كأكثر لعبة أحبطتنا، وقلنا اننا بنينا لها توقعات هائلة ولكن للأسف ما لقينا منها اللي توقعناه. هذا كله ممكن يسبب اشكالية على القارئ، ولكن كون اللعبة أحبطتنا لا يعني انها لعبة سيئة. ديستني لعبة ممتازة، مشكلتنا معها فقط انها كانت أقل بكثير مت توقعاتنا لها.
بالنسبة لعنصر الادمان في ديستني، فكان عنصر واضح في اللعبة، واللي لعبها احتمال كبير انه يتفق معنا تماماً. اللعبة مبنية على التكرار والعشوائية وهذا شي غريب، ولكن اللعبة سببت لنا ادمان غير طبيعي، خصوصاً جميل ومحمد الشريف اللي أدمنوا عليها وخلصوا أغلب الأشياء في اللعبة، حتى الريد خلصوه أكثر من مره.
عشان هالأسباب، اخترنا لعبة ديستني كأثر لعبة أدمنّا عليها في 2014.
وش أكثر لعبة أدمنت عليها هالسنة؟
