Saudi Gamer
الادمان في الالعاب أمره عجيب، نشوف نفسنا نقضي أوقات كثيرة على لعبة وحدة بسبب حبنا لها. كثير من الألعاب تخلّص فيها القصة الأساسية ولكنك تحس انك تبغى ترجع تلعب اللعبة من رهابتها، وهذا دليل على انك أدمنت عليها.
Rayman Fiesta Run كانت من أكثر الألعاب اللي أدمنّا عليها هذي السنة. جمعت اللعبة -كعادتها- بين أسلوب اللعب الجميل والادماني، والموسيقى الرهيبة في الخلفية، وتصميم المراحل الخرافي. Peggle 2 برضو من الألعاب البسيطة واللي تخليك تدمن عليها ادمان كبير.
Resogun على البلاي ستيشن 4 كانت ادمانية من الدرجة الأولى، بحيث جمعت أسلوب اللعب الكلاسيكي الرهيب، مع الموسيقى الرهيبة في الخلفية، ومع رسومات ومؤثرات رهيبة. كل هالأشياء خلتنا ندمن على اللعبة ادمان كبير. The Legend of Zelda: A Link Between Worlds كانت من أكثر الألعاب اللي أدمنا عليها، وصرنا نلعبها في كل مكان على الثري دي اس.
Grand Theft Auto V كانت أكثر لعبة أدمنّا عليها هذي السنة. أدمنّا عليها لأسباب كثيرة مرة، القصة الرهيبة، الشخصيات المتميّزة، اختلاف وتنوع المهمات والأشياء اللي تسويها، الفكاهة اللي في اللعبة. كل هذي الأسباب خلتنا نختار GTA V كأكثر لعبة أدمنّا عليها هذي السنة!
وش رأيك في GTA V؟ ووش أكثر لعبة أدمنت عليها هذي السنة؟ شاركنا رأيك في التعليقات!
