أحمد قربان
احد مطوري لعبة مورتال كومبات اكس (Mortal Kombat X) قال ان الظاهر اللعبة راح يكون فيها مايكروترانزاكشنر (microtransactions) – مشتريات اضافية داخل اللعبة-.
برايان قودمان (Brian Goodman) مدير التسويق في ستديو نيذر ريلم (NetherRealm) قال ان الشركة ماكانت مستعدة للنقاش عن المشتريات داخل اللعبة. لكنه اكد ان راح يجي يوم ويعلنوا عن الاشياء اللي راح تكون ضمن الميكروترانزاكشنز في المستقبل.
قال برايان: “احنا ماراح نعلن اي تفاصيل بخصوص المشتريات داخل اللعبة الى هذي اللحظة.”
على الرغم من ان هذا التصريح مايدل ان في شيء رسمي نقدر نستند عليه. لكن جملة “الى هذه اللحظة” تعطينا انطباع اننا راح نسمع اخبار في المستقبل عن الميكروترانزاكشنز. مافي طريقة معينة نقدر نخمنها و نقول ان من خلالها راح يتم تطبيق الميكروترانزاكشنز.
في بعض الاجزاء القديمة في شي داخل اللعبة كان اسمه كريبت (Krypt)، الكريبت هو ساحة كبيرة فيها كمية كبيرة من المقابر، بعض هذي المقابر كان فيها ازياء سرية، ناس متوفين، رسمات و حتى مقاتلين جدد وكان ماتقدر تدخلها الا لو معاك عملة معينة من داخل اللعبة اسمها كوينز. بالتالي نقدر نخمن ونقول ان الكريبت ممكن يكون من خلاله يقدروا يطبقوا نظام الميكروترانزاكشنز.
الشي هذا ممكن يصير و مايعتبر ضرب من الخيال. اذا صار هذا الشي نقدر نقول ان راح يكون بامكانك تنزل حزمات من الكوينز عشان تسرع العمليات الصعبة لتجميع كل شي باللعبة. في حين ان كل هذا الكلام هو مجرد تخمينات، الظاهر ان الميكروترانزاشكنز في اللعبة راح تكون موجودة في إطار صورة معينة.
وفي نفس المقابلة، المصدر قدر يلقي نظرة على الطور الجديد واللي تم الاعلان عنه قريبا واسمه الابراج الحية – ليفينق تورز (Living Towers)-. هذا المود راح يضيف تعديلات مميزة لاسلوب اللعب في التحديات الاصلية، ايضا حصلوا على معلومات عن الشخصيات الجديدة باللعبة.
اش رايكم بالخبر، هل راح يأثر في تجربتكم للعبة ولا مافرق؟
بارعة
أيمن اليغشي
