أحمد قربان
لعبة مورتال كومبات اكس (Mortal Kombat X) راح يكون لها اضافات جانبية تعطيك شخصيات جديدة داخل اللعبة (DLC Characters)، الشيء الجميل هو ان اللعبة راح تسمح لك انك تجرب بعض هذي الشخصيات الجديدة بشكل مجاني في اللعبة.
الفكرة ان اللعبة فيها طور اسمه تحدي الابراج (Towers Challenge) هذا الطور فيه تحدي قوي اسمه Premiere Challenge و راح يسمح لك انك تلعب ببعض الشخصيات الخاصة بإضافة اللعبة. الناس سألوا اد بون (Ed Boon) مصمم السلسلة على حسابه الخاص في موقع تويتر وقالوا له: “هل نقدر نلعب بالشخصيات الخاصة بالاضافة في هذا الطور مجانا؟” وكان جواب اد بأننا نقدر نلعب بالشخصيات بدون مانشتري الاضافة في هذا الطور.
الشخصيات راح تنفتح لك في هذا الطور فقط وماراح تقدر تلعب بها في كامل اللعبة، الفكرة التسويقية في الموضوع هو ان اللعبة راح تعطيك شخصية جديدة مجانية، ولو اعجبتك احد هذي الشخصيات ممكن راح تضطر انك تشتريها لتلعب بها في كامل اللعبة.
احد الشخصيات الموجودة في اضافات اللعبة هو الوحش Predator الموجود في فلم Predator بحيث انك ممكن تلعب به داخل اللعبة.
مورتال كومبات اكس راح تنزل يوم 14 من الشهر الحالي، يعني بعد يومين. راح تنزل لاجهزة البي سي، بلايستيشن 4 و الاكس بوكس ون. اللعبة راح يكون لها سيزون باس (Season Pass) بقيمة 113 ريال سعودي -سيزون باس هو كود تشتريه يعطيك جميع اضافات اللعبة بسعر واحد و غالبا يكون ارخص من انك تشتري كل اضافة بشكل منفصل-
فكرة ممتازة في نظري و اتوقع ان الطور راح يكون ممتع للاعبين و التحدي فيه اعلى من باقي اطوار اللعبة.
وش رأيك؟
بارعة
احمد خالد
أيمن اليغشي
