أعلنت سوني عن نزول أكثر من 100 لعبة على أحهزة بلاي ستيشن في الفترة الجاية، وتشمل الأجهزة بلاي ستيشن 4، بلاي ستيشن 3، وبلاي ستيشن فيتا.
يقول آدم بويز (Adam Boyes) ان فيه أكثر من 1000 مطوّر حصل على رخصة تطوير، وهي وحدة من الخطوات المهمة اللي يوصلها مطوّر ألعاب الفيديو، خصوصاً المطوّرين المستقلين. 21 لعبة تم نشرها على البلاي ستيشن 4 الى الآن، ولسا باقي كثير.
أما بالنسبة لعدد المبيعات، فأعلنت سوني انها باعت 20 مليون لعبة بنسبة ثلاث ألعاب على جهاز بلاي ستيشن.
أما بالنسبة لألعاب المطورين المستقلين اللي تستاهل الذكر، فعندنا أول شي لعبة آوتلاست (Outlast) تم تحميلها 1.8 مليون مرة، ولعبة دونت ستارف (Don’t Starve) تم تحميلها فوق المليون مرة، وأخيراً اللعبة المجانية وورفريم (Warframe) هي ثاني أكثر شي تم تحميله في متجر بلاي ستيشن على الاطلاق، بعد تطبيق Netflix حق الأفلام والمسلسلات.
أخيراً، أعلنت سوني عن بعض ألعاب المطوّرين المستقلين اللي بتنزل على أجهزة بلاي ستيشن في الفترة الجاية:
- Apotheon – PS4
- Axiomm Verge – PS4 & PS Vita
- Chasm – PS4
- Drifter – PS4 & PS Vita
- Escape Goat 2 – PS4
- Ironclad Tactics – PS4
- Jamestown Plus – PS4
- Nidhogg – PS4
- Skulls of the Shogun Bone-A Fiddle Edition – PS4 & PS Vita
- Source – PS4
- Spelunky – PS4
- Starwhal: Just the Tip – PS4 & PS3
وش رأيك في توجّه سوني مع دعم المطوّرين المستقلين؟
