أخبار

مطور لعبة Quake يعتقد ان مطورين تعديلات mods يستاهلون فلوس على شغلهم

 quakepic44

جون روميرو (John Romero) مطور الالعاب الخبير يعتقد ان مطورين المودز (mods) على شبكة ستيم يستاهلون ياخذون فلوس على شغلهم. جون سبق وان طور لعبة Doom و لعبة Quake في التسعينات.

يقول روميرو ان على ايامه كان فيه برنامج اسمه اي دي سوفت وير (id Software) يدفع لمطورين المودز و استفاد منه روميرو لما طور لعبة كويك في عام 1995. طبعا كل هذا الكلام بسبب ان ستيم اعلنت عن انها راح تبيع المودز في شبكة ستيم و بعد الشكاوي الكبيرة من الجمهور اتراجعوا عن هذا القرار وقالوا فالف (Valve) بعد ما اتراجعوا انهم ماكانوا فاهمين القرار اللي اتخذوه بوضوح وهو  قرار بيع المودز على شبكتهم، الاخ روميرو يعتقد ان قرار بيع المودز صحيح في وجهة نظره.

قال روميرو: “انا دائما مؤمن ان مطورين المودز يستاهلوا انهم ياخذون فلوس لابتكاراتهم، في 1955 لما كنت اطور لعبة كويك، كانت عندنا فكرة اننا نسوي شركة اسمها اي دي نيت (id Net)، وهذي الشركة تكون البوابة للاعبين بحيث انهم يجربوا المودز من خلالها، الفكرة انها تكون مقسمة الى مستويات و مودز واحنا نرتبها، وتقدر كمطور تحط المحتوى تبعك عندنا، و كل مازاد عدد اللاعبين اللي يدخلون على محتوى المطور كل ما دفعنا له فلوس اكثر”

للاسف هذي الفكرة اتاجهلها الفريق تبع روميرو بسبب الضغط العالي اللي كان عليهم عند تطوير لعبة كويك، لكن روميرو مازال يعتقد ان الفكرة ممكن تنجح وان المطورين يستاهلوا انهم ياخذوا فلوس على شغلهم.

لعبة كويك كانت هي اساس مود Team Fortress المجاني، وبسببه نزل جزء ثاني كامل اسمه Team Fortress 2 والان هو من اشهر العاب شركة Valve.

الموضوع محير ويحتاج الى ترتيب وتنظيم بحيث انه مايكون فيه نصب على اللاعب او المطور. هي في  النهاية هواية و المطور الموهوب اتوقع راح تجيه اكبر شركات الالعاب وتدفع له لتطوير العاب قوية، يعني اشوف ان المودز تكون مجانا افضل و من خلالها راح نشوف مطورين ممكن انهم يصنعوا العاب كبيرة جدا مع شركات معروف وكله بسبب ان مود بسيط سووه وانتشر.

اش رايكم بكلام روميرو؟

المصدر.

الوسوم
اظهر المزيد

أحمد قربان

طالب جامعي ، يدرس في جامعة الملك عبدالعزيز بجدة ، تخصص هندسة صناعية ، اعشق العاب البلايستيشن و مدمن فيفا ، احب العاب الاكشن و المغامرات واي لعبة فيها كريتفتي او شيئ جديد
إغلاق