أحمد قربان
موجانق (Mojang) المطور للعبة ماينكرافت (Minecraft) اعلن عن احتفاليته بوصول عدد اللاعبين لماينكرافت في اجهزة البي سي اعلى من 20 مليون لاعب. هذا العدد يعتبر كبير لكن متوقع من لعبة مجنونة مثل لعبة ماينكرافت.
بالمصادفة هذا اليوم موجانق اعلن عن اضافة جديدة مع تحديث للعبة للاجهزة المنزلية، التحديث راح يتم اصداره غدا ان شاء الله، هذا التحديث راح يكون رقم 1.17 وراح يوفر بلوكز (blocks) جديدة و اشياء جديدة (Items)، ايضا راح يسمح لك تعدل عالمك بشكل عامودي وراح يسمح لك انك تجعل ارض اللعبة مسطحة اذا تبغا، راح تقدر تعدل صعوبة اللعب وطور اللعبة نفسه بدون ماتغادر اللعبة، ايضا يحتوي التحديث على نظام التركيب الكلاسيكي (classic crafting system).
الاضافة راح تحتوي على حزمة ملابس Minecon 2015 وراح تكون مجانية لكل مستخدمي الاجهزة المنزلية. راح يتم اصدار الاضافة غدا 1 جولاي ان شاء الله وراح تكون مجانية لمدة 15 يوم.
ايضا راح يكون فيه اضافة حصرية للبلايستيشن و خاصة بلعبة Little Big Planet وراح تحتوي على مخلوقات، موسيقى، رسومات و شخصيات موجودة داخل اللعبة.
احد اهم اسباب نجاح لعبة ماينكرافت هو اهتمام المطور بها و تقديم طلبات اللاعبين للاعبين بشكل سهل ومرن.
احمد خالد
بارعة
