محمد الشريف
وكأن اللعبة ناقصة أجهزة زيادة. أعلن أوين هيل (Owen Hill) والمعروف بلقب Mojang عن خطته لاصدار اللعبة المعروفة ماينكرافت على بلاي ستيشن 4 وبلاي ستيشن فيتا.
ما أعطى أوين تاريخ محدد، لكنه يتوقع نزول النسختين في الربع الثاني أو الثالث من هي السنة. الى الآن أوين ما قال هل نسخة الفيتا والبلاي ستيشن 4 بتجيك ببلاش اذا كنت مشتري نسخة بلاي ستيشن 3 أو لا، وهذي حركة تسويها سوني بعض الأحيان، بحيث تنزل لعبة على كل أجهزتها وتعرض عليك انك تشتري نسخة وحدة والباقيات يجونك مجاناً. هذا العرض الرهيب تسميه سوني Cross-buy.
بتحتوي النسخة على كل الميزات اللي كانت موجودة على الأجهزة المنزلية (بلاي ستيشن 3 واكس بوكس 360) بالاضافة الى الأبديت الأخير اللي برقم 14.
جمهور لعبة ماينكرافت كبير جداً وأعتقد من أبسط حقوق أوين انه ينقل لعبته لأجهزة بلاي ستيشن. أتوقع بتكون فكرة رهيبه لحقين ماينكرافت انهم يلعبون اللعبة يسوون عليها بث من خلال بلاي ستيشن 4، خصوصاً وان التحديث الجديد لبلاي ستيشن 4 ضبّط أشياء كثيرة في البث.
احمد خالد
Saudi Gamer
