محمد الشريف
مايك بيثل (Mike Bithell) المطوّر المستقل الرهيب اللي سوّا لعبة توماس واز ألون (Thomas was Alone)، واللي حالياً شغّال على لعبة شكلها أرهب، يقول ان بعد دعم بلاي ستيشن الكبير للمطورين المستقلين، بدأت تضعف أهميّة ستيم والبي سي بالنسبة للمطورين المستقلين.
تكلم مايك عن “مصداقية” الأجهزة المنزلية، ويقصد فيها الفرق بين اعلان لعبة على البي سي وعلى الأجهزة المنزلية. يقول مايك:” هذا شي مثير للاهتمام، أتوقع بما ان البي سي منصّة مفتوحة للكل، وان أي شخص بامكانه ينزّل لعبته على البي سي، فاللاعب اللي يدوّر عن ألعاب غير ألعاب المطورين المستقلين، ما راح يهتم اللعبة اللي بأنزلها”.
بعدها انتقل للكلام عن الفرق بين البي سي والأجهزة المنزلية:” اطلاق اللعبة على جهاز منزلي كأنه وسام شرف. بعد ما أعلنت اللعبة على بلاي ستيشن، مبيعاتها زادت بشكل مذهل يارجل. فيه ناس اذا عرفوا ان اللعبة بتنزل على بلاي ستيشن، فتتحول هذي اللعبة الى لعبة حقيقية بالنسبة لهم”.
وتكلّم برضه عن وضع ستيم الحالي،وان توجّههم الجديد في فتح المجال للكل ضعّف من قيمته. يقول مايك:” صعبة لو أقولك ان توماس واز ألون بتنجح نفس نجاحها لو نزّلتها على ستيم لحاله”.
حاول مايك يفسّر سبب اعتبار اللاعبين، وانهم يعتبرونها لعبة “حقيقية” اذا نزلت على بلاي ستيشن، يقول مايك: “اذا أنت من عشّاق بلاي ستيشن وتحب ألعاب المطورين المستقلين، فأنت بتقول في نفسك:’ اذا سوني تعتقد ان هذي اللعبة جيّدة الى حد خلّا سوني تطلقها على جهازها، فهي من جد جيّدة وراح أشتريها’. وهذا شي قوي جداً!”
كلام مثير للاهتمام، خصوصاً وان وحدة من ميزات البي سي المهمة انه يحتوي على كثير من ألعاب المطورين المستقلين. سوني مهتمّة بشكل جدي بالمطورين المستقلين، وبين كل فترة وفترة نسمع بلعبة مطوّر مستقل بتنزل على أجهزة بلاي ستيشن، خصوصاً الفيتا.
أعتقد ان هذا توجّه صحيح لسوني، تذكرون اكس بوكس 360 كيف كان متميّز في بداية الجيل اللي راح بكميّة ألعاب المطورين المستقلين اللي كانت تنزل عليه؟ الحين انقلبت الآية وصارت على أجهزة بلاي ستيشن.
وش رأيك في كلام مايك؟ ووش رأيك في توجّه سوني في اطلاق ألعاب المطورين المستقلين على أجهزتها؟
أيمن اليغشي
بارعة
عبدالله كونش
ابراهيم سليمان