أخبار

فيديو Mighty No 9 في GDC خلاني انسان سعيد

mighty

نزل أمس فيديو للعبة Mighty No 9 أمس خلاني اتحمّس لها بشكل كبير، وبالمقابل قلّل حماسي لأي جزء محتمل لسلسلة Mega Man X. ليش؟ لأني كنت متخوّف ان هاللعبة يكون اللعب فيها بطيء (زي Mega Man السقيمة)، مو سريع زي Mega Man X. كنت أبي هاللعبة على الأقل تجاري Mega Man X في السرعة والحركات الرهيبة، بس يوم شفت آخر فيديو نزل لها اكتشفت انها تتفوّق عليها بعد من هالناحية!

حركة الاندفاع (dash) شفناها في فيديو سابق، لكن تفاجأت بوجود حركات جديدة تساهم في تسريع رتم اللعب عموماً وتزيد من حماسه. أولها القفزة الخلفية السريعه:

mighty1

ثم حركة الاندفاع السفلي:

mighty2

ثم الحركة اللي يندفع مرتين في الهوا:

mighty3

وكلها حركات ما اذكر اني شفتها حتى في Mega Man X! صراحه تجاوزوا توقعاتي بشكل كبير، اعتبرني انسان سعيد جداً الآن 3>. صدق انه الى الآن مو عاجبتني سالفة انهم خلوا اللعبة بتصميم 3D، لكن بكيفهم اذا اللعب ممتع.

فيه أحد غيري يحب Mega Man X ومتحمّس مره على هاللعبة؟

الوسوم
اظهر المزيد

مشهور الدبيان

مؤسس سعودي جيمر، متخصص في تطوير المواقع والتطبيقات، ومهتم في الذكاء الاصطناعي.
إغلاق