صرح مدير الاكس بوكس (Xbox) فيل سبنسر (Phill Spencer) عن دعمهم للاكس بوكس 360، و قال ان واجب عليهم دعم هذا الجهاز خصوصا مع دعم شركات الطرف الثالث له.
قال سبنسر:” الين تنتهي موضة الجيل القديم، ملايين من اجهزة الاكس بوكس 360 راح تنباع خلال هذه الفترة”.
وكمل سبنسر:” اذا اشتريت ال360 خلال سنة ونصف، اعتقد اننا مضطرين اننا ندعمك، الناس بيعطونا التزام عالي على اجهزة ال360 وانا ابغا اكون متأكد ان راح يكون في محتوى ممتاز لهم”.
قال سبنسر عن اهمية دعم الجيل الجديد والقديم لشركات الطرف الثالث:” معظم شركات الطرف الثالث راح تدعم الجيلين خلال السنين القادمة، المنعطف الصعب لشركات الطرف الثالث هو الجيل القديم، لان عندك ملايين الناس تمتلك الجيل القديم والشركات تبغا تطور محتوى وتبيعه لهم”.
وقال ايضا:” في نفس الوقت شركات الطرف الثالث تبغا تبدأ مع الجيل الجديد بشكل ناجح، لذلك راح تلقى معظم شركات الطرف الثالث راح تدعم الجيلين، بالنسبة لنا كمطور أول للالعاب، تركيزنا راح الرئيسي راح يكون للاكس بوكس ون، و انا فخور بمحتويات الطرف الاول اللي قدمناها للاكس بوكس ون”.
كلامه منطقى و واقعي، الشركات همها الاول الفلوس، والتطوير لاجهزة الجيل القديم ربحها مضمون جدا، لكن في نفس الوقت اللاعبين يبغوا شي جديد و رهيب لاجهزة الجيل الجديد. الوزنية صعبة على المطورين لكن خلينا نشوف اش راح يطوروا لنا في المستقبل وهل فعلا اجهزة الجيل القديم راح تبيع ملايين وتستمر كم سنة قدام ولا لا.
اش رايكم تشوفوا ان الجيل القديم قادر انه يستمر كم سنة قدام ولا لا؟ شاركونا
