يزيد السويري
تكلم Kudo Tsunoda من شركة مايركوسوفت في مقابلة أجريت له مؤخرا عن مشروع HoloLens للواقع المدمج (AR) وكيف أنه يقدر يسوي أشياء ما تقدر تسويها أجهزة الواقع الافتراضي (VR) زي الأوكيلوس رفت وغيرها وقال:
“الشيء المميز في HoloLens هو انه يدمج عالمك الرقمي بعالمك الحقيقي. وبمجرد ما يتحقق هالشيء بتنتفح أفق جديدة لتجارب مختلفة تماما”.
تطرق Kudo للحدث اللي سوته مايكروسوفت في شهر يناير للإعلان عن مشروع HoloLens واللي استعرضت فيه قدرات تقنية الواقع المدمج وقال:
“ولا شيء من اللي إستعرضناه تقدر تسويه أجهزة الواقع الافتراضي. ما عندي شيء ضد الواقع الإفتراضي بالعكس أعتقد أن تقنية الواقع الإفرتاضي تقنية عظيمة. لكن ميزة دمج العوالم مع بعضها هو اللي يخلي HoloLens مميز وفريد من نوعه. ومن ناحية أسلوب اللعب فهو يقدر يخلي بيئتك الحقيقية جزء لا يتجزأ من التجربة. وهالشيء مختلف تماما عن اللي تحصله من تجربة الواقع الإفتراضي”.
توضيح بسيط للفرق بين مصطلح الواقع المدمج (AR) زي مشروع HoloLens والواقع الإفتراضي (VR) زي نظارة الأوكيلوس رفت وهو أن فكرة الواقع المدمج هي بناء عالم فوق عالمنا الحقيقي بمعنى بإمكانك تشوف داينصور يمشي في غرفتك يكسر ويخرب وكأنه فعلا جزء من غرفتك. بينما فكرة الواقع الإفتراضي هي أنك تدخل عالم إفتراضي مختلف عن عالمك الحقيقي والمكان اللي تعيش فيه بمعنى بمجرد ما تلبس جهاز واقع افتراضي زي الأوكويلوس رفت تقدر تدخل عالم أو بيئة جديدة مثلا تقدر تروح لمدينة زي باريس وتشوف المعالم المشهورة هناك زي برج إيفيل وكأنك فعلا هناك بينما أنت فعليا قاعد في بيتكم بدون ما تضطر تسافر لفرنسا.
والحين شباب بعد ما شرحت لكم الفرق بين التقنيتين وش تشوفون افضل وأمتع بالنسبة لكم الواقع المدمج ( زي مشروع HoloLens حق مايركوسوفت ) أو الواقع الإفتراضي ( زي الأوكيلوس رفت ) ؟
بارعة
احمد خالد
