Gamescom 2014أخبار

مايكروسوفت: عدد الاطارات في الألعاب أهم من دقتها ووضوحها

Phil Spencer

رئيس قسم الإكس بوكس ما يشوف أن المقارنة الإعلامية في فرق الأداء بين الأكس بوكس ون والبلايستيشن فور له أهمية خاصة .

تكلمت مايكروسوفت عن المشكلة بيجمزكوم ” أحنا اعلنا أن دستني بتكون بنفس الدقة والإطارات على الإكس بوكس ون والبلايستيشن فور ، وفي قائمة طويلة من الألعاب ، وصارت المساواة أهم شيء لنا بالنسبة لشركائنا” .

وكمل كلامه ” لكن بالنهاية أنا ما ابغى السالفة كلها تكون عشان رقم ، لأنه 1080p ماهي شيء أسطوري او الدقة المثالية ، أهم شيء أشوفه أن معدل الإطارات أهم للجيمبلاي أكثر من الدقة ومزج العنصرين هذي بيعطيك الفن الصحيح والحرية بالتصميم ، بأي مكان سواء البلايستيشن أو الإكس بوكس”

وحصرية سوني The Order 1886 أقرب مثال للي يبغاه سبنسر ويشوف أنه من الأفضل أنك تعطي المطور حريته وما تجبره على أنه يوصل لرقم يشوفونه الناس أنه الأسطوري.

“وعشان نكون واضحين ، بعض الألعاب زي العاب محاكاة السباقات مثل فورزا تحتاج 1080p/60fps ومهم جدا أنه تكون عليه ، ولكن فيه العاب ثانية تحتاج تعطي المطور حرية التفاصيل ويحط التأثيرات الي يبغاها ، ولازم أحط هذي الأدوات والقدرات بيد المطورين”

وش رأيك بكلام سبنسر ؟ عطنا رأيك بالتعليقات

الوسوم
اظهر المزيد

جلال مجهلي

جيمر مغبر يحب العاب المناقز والشوتر وكل الألعاب الي تطيح بيده :) ، أوتاكو ، ومشرف بمجتمع سعودي جيمر على جوجل بلس.
إغلاق