يقولك شركة مايكروسوفت داخله في مفاوضات عميقة مع شبكة التلفزيون المعروفة شوتايم (Showtime) بخصوص عرض برنامج هيلو (Halo) اللي أعلنوا عنه مايكروسوفت.
يقول التقرير ان مايكروسوفت وشوتايم على وشك يوصلون الى اتفاقية، وبعد الاتفاقية هذي بيعلنون عن بدء العرض وباقي التفاصيل. برضه من تفاصيل التقرير ان فيه حلقات راح يتم عرضها على جهاز اكس بوكس ون بعد ما تنعرض على شبكة شوتايم.
يعتبر برنامج هيلو واحد من أكبر خطط مايكروسوفت وتوجّهها التلفزيوني، واللي تقول مايكروسوفت انها تبغاها تكون “تجربة تلفزيونية ممتازة”. كثير من اللاعبين ماهو معجبهم توجّه مايكروسوفت، وان فيه تجاهل للألعاب، وهي الشي الأساسي اللي المفروض مايكروسوفت تركز عليه، بما ان جهاز الاكس بوكس في الأخير جهاز ألعاب. لكن من يدري؟ يمكن تنجح مايكروسوفت بخطتها الجديدة!
عموماً، وش توقعاتك لتوجّه مايكروسوفت؟
