خلال مقابلة مع فيل سبينسر رئيس قسم الإكس بوكس بمايكروسوفت صرح أن عندهم عناوين جديدة باقي ما أعلنوا عنه وأنها بترفع حدود المنافسة بسوق صناعة الألعاب. وهذا بعض من الي ذكره فيل بالمقابلة عن هذي الألعاب “أيه الألعاب هذي العاب طرف أول ويشتغل عليها حالياً أستوديوهات داخلية وخارجية”
لا تتوقعون أن الالعاب هذي بتكون العاب فضاء أو العاب سباق ، على كلام فيل أن مايكروسوفت شغاله حالياً بتصميم عوالم وقصص للألعاب هذي.
“أنا أشوف ان القصص والشخصيات الجديدة تعطيك دايما العاب ناجحة ” وذكر أن أفضل مثال لعبة Sunset Overdrive لأنها لعبه ما تشبه أي لعبة ثانية وأسلوبها جديدة كلياً بيخليها لعبة ناجحه بكل المقاييس ، “ما نحتاج لعبة حرب فضاء جديدة أو لعبة سباق جديدة ، أشوف أننا نحط العاب جديدة بكل المقايسس أفضل عشان نثبت مكاننا بالسوق”
تكلم برضوا بالمقابلة عن أستوديو Rare وذكر أنهم شغالين على لعبة هم يحبون يشتغلون عليها وذكر أنه متحمس للقاء الأستوديو الشهر الجاي.
“ما أبغى أستوديو عريق زي رير يتحول لأستوديو العاب للكينيكت فقط” وذكر فيل أن الأستوديو ماهو شغال على أي لعبة للكينيكت بالفترة الجاية
وش توقعاتك عن العاب مايكروسوفت الجايه ؟
