مايكروسوفت تكوّن فريق اكس بوكس في غاية السريّة، ما نعرف عنه الا هالمعلومات

يبدو ان مايكروسوفت عندها مشروع في غاية السرية، سرّي لدرجة ان الاعلان الوظيفي اللي شافوه الناس لاحظوا انه غريب.

الاعلان الوظيفي، واللي صاده موقع neoGAF المعروف، مذكور فيه التالي:

” تم تكوين فريق جديد في مايكروسوفت اكس بوكس بهدف واضح: اننا نرسل رسالة واضحة عن التقنيات الحالية والتقنيات المستقبلية في الوقت اللي نستكشف فيه أفكار جديدة كلياً. الفريق فيه ناس قدماء من اكس بوكس، واكس بوكس لايف، وكينيكت، وحنا جالسين نكبر بشكل سريع، وكل ما كبرنا كل ما اتضحت لنا أفكارنا”.

الغريب في الاعلان، ان الوظيفة مذكور فيها “الانضمام للفريق فيه بعض المخاطر. اللي يدوّر عن وظيفة مريحة لا يقدم على هالوظيفة. ماهو شرط كل الأفكار بتنجح، بعض الأفكار بتفشل، وبتفشل بشكل سريع، وحنا بنحتفل بهذا الفشل وقتها لاننا بنكون عرفنا الطريق الصحيح وبنتجّه له”.

الاعلان الوظيفي ما يلمّح لشي، لكنه جاب طاري مايكروسوفت كينيكت وانه بيطوّر عالم الترفيه بشكل عام.

حسب ماهو متوفر عندنا من معلومات، وش تتوقعون بيكون مشروع مايكروسوفت الجديد؟