مايكروسوفت تشتغل على تكوين ستديو تطوير ألعاب جديد، وبيعطونه مشروع العمل على لعبة جديدة لسلسلة محبوبة، السلسلة هذي هي لعبة استراتيجية.
الخبر طلع من موقع استديو التطوير، واللي اسمه Decisive Games. حسب الاعلان الوظيفي، يقول:
” هدف الاستديو انه يشتغل على جزء جديد لسلسلة استراتيجية محبوبة على جهاز الجيل الجديد” والمقصود بالجيل الجديد اكس بوكس ون.
هذي المعلومات المتوفرة الى الآن، واحتمال مايكروسوفت تتكلم عنها في مؤتمرها القادم في 21-1-2015 في حدث Windows 10 المنتظر.
يبدو ان مايكروسوفت حالياً تشتغل شغل كبير بشكل سري، كتبنا قبل فترة بسيطة عن تكوين فريق في غاية السرية، واتخذت خطوات جريئة في تحسين التطوير على اكس بوكس ون.
وش تتوقع تكون هالسلسلة الاستراتيجية المحبوبة؟
