بعد كثرة مقارنات وضوح الالعاب واطاراتها بين الاكس بوكس ون والبلايستيشن 4 (طبعاً البلايستيشن كان دائماً الأقوى)، وعدم قبول الناس لسعر الاكس بوكس ون المرتفع، اضطرّت ميكروسوفت بإنها تعطي اللاعبين الخيار بإنهم يشترون الاكس بوكس ون بنفس سعر البلايستيشن 4 (بدون Kinect طبعاً).
ميكروسوفت ما وقفت مع خصم سعر الجهاز بس. مع تحديث شهر يونيو للاكس بوكس ون، القوة المحجوزة للـKinect (اللي تمثّل 10% من قوة معالج الجرافيكس) استُرجعت بحيث ان المطوّرين يقدرون يستخدمونها في تطوير العابهم.
لكن السؤال اللي طرأ على بال الكثير من اللاعبين: هل بيشتغل الـKinect مع الألعاب اللي تستخدم قوة الاكس بوكس ون الكاملة؟
يقول المخرج الابداعي لـMicrosoft Studios، كين لوب (Ken Lobb)، في مقابلته مع Eurogamer: “ناس كثير يسألون: اذا انتم استرجعتوا القوة المحجوزة للـKinect، هل نقدر نعطي الامر صوتي لتسجيل اللعب (مثلاً)؟ اكيد تقدر تستخدم الاوامر الصوتية!”
يؤكد كين ان الجهاز بيشتغل بكل قوته مع امكانيات محدودة للـKinect (مثل الأوامر صوتية) لما تلعب. لكن اذا رجعت للقائمة او صغرت شاشة اللعبة، الـKinect يرجع يشتغل بكل قوته.
بسبب هذا التغيير، قدرت Bungie ترفع الوضوح والاطارات للعبة Destiny الى مستوى نسخة البلايستيشن 4 (1080p/30fps).
المنافسة صارت اقوى من اوّل بكثير، بالاضافة الى الالعاب القوية اللي بتنزل على الاكس بوكس ون والبلايستيشن 4.
وش رأيكم بهذي القرارات؟ هل توجه ميكروسوفت صحيح؟ عطونا آرائكم!
