محمد الشريف
في تصريح قوي لأحد مسؤولي التسويق التنفيذيين في اكس بوكس بريطانيا، تحدى هارفي إيجل Harvey Eagle اللاعبين في التفريق بين عرض اللعبة بدقة 720p و1080p على الشاشات متوسطة الحجم، أو اللي حجمها أقل من 60 انش.
يقول هارفي: “لو تشغل نسختين من نفس اللعبة على جهازين من ألعاب الطرف الثالث اللي تشتغل بدقة مختلفة على كل جهاز، أو بعدد اطارات يختلف على كل جهاز، وتشغلهم على شاشة حجمها أقل من 60 انش، فأنا أتحداك تشوف فرق بينهم”.
على ان هارفي يقول انه ما يشوف الفرق، الا انه أقر بسالفة ان الناس تهتم بالتفاصيل هذي، وان اللاعبين صاروا يهتمون بسالفة الدقة والوضوح وصاروا يعتقدون ان بلاي ستيشن 4 أقوى من اكس بوكس ون.
يقول هارفي: “أعتقد ان هذا موضوع متعلق بالفهم والادراك. وأنا شايف ان الاعلام مهتم بهذا الموضوع جداً. واذا صار هذا الشي يؤدي الى ان الناس صاروا يعتقدون ان بلاي ستيشن 4 أقوى من اكس بوكس ون، فهو بيصير أمر مهم. حنا حالياً نشتغل مع المطورين بحيث يقدرون يوصلون الى أعلى قدر ممكن من الوضوح والدقة وعدد الاطارات في الثانية”.
كلام صريح وكبير من مايكروسوفت، خصوصاً وان هذا موضوع فعلاً صار يهتم له الجيمرز في كل مكان. مايكروسوفت مؤخراً غيرت سياستها تبع اكس بوكس ورجعت تهتم بالجيمرز في المقام الأول. برضه أمس مدير مايكروسوفت التنفيذي الجديد أكّد دعمه لاكس بوكس وعدم التخلي عنه.
وش رأيك في التصريح المثير للجدل؟
بارعة
احمد خالد
