تواجهني أسئلة كثيرة في كل يوم بخصوص ألعاب الفيديو، لكن مافيه سؤال جاني كثر:” ودّي ألعب ميتال جير وأفهم قصتها لكن الأجزاء القديمة صعبة ألعبها! وش الحل؟”.
هذا سؤال صعب، الكثير يعرف ان ميتال جير سلسلة طويلة وقصتها طويلة ومعقدة. ميتال جير سوليد 5 جراوند زيروز على وشك تنزل، وزادت المطالبات بحلول.
من هذا المقال نعلن عن نيتنا لرواية كامل قصة ميتال جير (الأجزاء الأساسية) بشكل سريع ومختصر، بحيث ما نتعمق في الأحداث ونترك التعمّق والأحداث المشوّشة والغير مفهومة (وياكثرها في ميتال جير) للاعبين ينتاقشون فيها بالردود، وبنتفاعل معكم.
بطبيعة الحال، بما اننا بنروي قصة السلسلة، فراح تحتوي كل المواضيع على حرق لقصة السلسلة.
رواية القصة بتكون على حسب الأحداث، مو على حسب تاريخ اطلاق اللعبة. أحداث السلسلة تختلف عن اصدارها، مثال: على ان ميتال جير سوليد الأولى نزلت في 1998، الا ان أحداث ميتال جير سوليد 3 صارت قبل أحداث ميتال جير سوليد 1.
أما بالنسبة للأجزاء الأساسية اللي ناوين نروي قصتها، فهذي هي:
ملاحظة: اضغط على اسم اللعبة عشان تقرا قصتها.
- Metal Gear Solid 3: Snake Eater
- Metal Gear Solid: Peace Walker
- Metal Gear
- Metal Gear 2: Solid Snake
- Metal Gear Solid
- Metal Gear Solid 2
- Metal Gear Solid 4
فيه جزء استثنيناه احتمال الكثير يحتج عليه، وهو Portable Ops على ان هذا الجزء يعتبر أساسي في السلسلة، الا ان كوجيما وكونامي دائماً يهملون ذكره، ولا حتى حطوه ضمن اصدار Metal Gear Legacy Collection اللي يضم جميع أجزاء سلسلة ميتال جير الأساسية.
وعشان نشعل الذكريات والحماس من الحين، هذا مجرّد تذكار بسيط للي لعب السلسلة، عشان تحس باللي نحس فيه وحنا نبحث في القصة ونقرا عنها
الى كل شخص مهتم بقصة ميتال جير، سواءً لعب السلسلة أو يبغى يلعب الجزء الخامس من السلسلة وهو فاهم القصة، بنروي لك قصة السلسلة كاملة بحيث تلعب الجزء الخامس وأنت عارف وين وصلت الأحداث في السلسلة.
تبدأ سلسلة رواية قصة ميتال جير من الليلة ان شاء الله. انتظرونا! 🙂
