محمد الشريف
حضرنا لقاء صحفي مع المطوّر المعروف Kojima Productions، المطوّر المسؤول عن سلسلة ميتال جير سوليد.
عرضوا علينا ديمو طويل مدّته حول نص ساعة. يغلب الطابع الفكاهي في الديمو، وهذا شي أعجبنا. الديمو بشكل عام يعرض لك طريقة اللعب وعالم اللعبة. لاحظنا بعض الفروق بين ذا فانتوم بين وجراوند زيروز، الجزء أو المدخل لعالم ميتال جير سوليد بشكله الجديد.
أوّل شكله لاحظناه هو رجعة منطاد الانقاذ (Foltun Recovery) وهو أداء تستخدمها في ضم جنود العدو الى جانبك، بمعنى ان العدو بامكانك تخدره وتستخدم عليه المنطاد الصغير هذا ويتم ارسال الجندي الى قاعدتك وينضم معك. أي واحد لعب Peace Walker بيعرف هذا الشي.
برضه من الأشياء اللي استغربتها ان اللعبة راح تشتغل 60 فريم وبدقة 1080. ما أدري هل هذا من جد بيصير أو لا، بما ان كل ألعاب العالم المفتوح طمحت انها توصل 1080 على الأجهزة المنزلية الجديدة لكنها ما قدرت، ووتش دوجز مثال على هذا.
برضه من الأشياء اللي لاحظناها هو ان فيه “جواهر” موزعة في عالم اللعبة، الجواهر هذي تلقاها في أماكن عشوائية تقريباً، هذي هي عملة اللعبة اللي تبيع وتشتري فيها.
تقدر تطلب دعم واسناد من القاعدة حقتك، مثل انك تطلب رصاص أو تطلب ضربة جوية على موقع معين. الشيئين هذي موجودة في بيس ووكر.
وحدة من الأشياء اللي لفتت انتباهي كانت السلوك الاصطناعي للجنود في اللعبة، بحيث من جد تشوف الجنود في الليل والنهار يختلفون، وتشوف بعض الجنود يطلعون من الخفارة حقتهم ويروحون ينامون، وأنت لازم تستغل هالفترات عشان تتسلل للمنطقة اللي تبغاها.
من التطويرات الكبيرة على السلسلة اضافة قاعدة لك، بحيث تقدر تصممها وتكبرها وتضم جنود لك وغيره. القاعدة هذي موجودة في بيس ووكر لكنها كانت عبارة عن قوائم فقط، أما الآن في فانتوم بين فصارت قاعدة حقيقية تقدر تروح لها وتتمشى فيها وتشوف الجنود وتشوف كل تغيير تسويه فيها. غير كذا القاعدة حقتك ممكن تتعرض للهجوم وأنت لازم تدافع عنها!
بشكل عام الديمو اللي شفناه كان ممتاز، ويبدو ان فانتوم بين من جد بتكون أكبر نقلة في تاريخ السلسلة. الى الآن ما تم تحديد تاريخ نزول اللعبة، لكنها بتنزل على بلاي ستيشن 3، بلاي ستيشن 4، اكس بوكس 360، اكس بوكس ون.
احمد خالد
بارعة
أيمن اليغشي