في مقابلة أثارت موضوع حامي في المجتمع الغربي، تكلّم مطوّر لعبة فوليوم (Volume) اللي بتنزل خلال هذي السنة، عن تغييره لجنس البطل من أنثى الى ذكر.
يقول مايك بيثل:” في بداية تأليفي لقصة لعبة فوليوم، كنت أبغى اخلّي بطل اللعبة بنت”. بعد ما تعمّق في تأليف القصة واللعبة بشكل عام، لاحظ ان الأفضل ان البطل يكون رجّال، مو بنت.
مايك برضه من الناس اللي منزعجه من موضوع ان أغلب الألعاب أبطالها رجال ماهم بنات، وكثير من الناس في الغرب ينتقد هذا الموضوع بشدّة، ويقولون ان فيها عنصريّة ضد النساء.
عزاء مايك الوحيد ان الناس بتفهم ليش خلّى البطل رجال وشال البنت، يقول مايك:” بعد ما يلعبون الناس لعبتي، أتمنى يفهمون ليش اضطريت اخلي البطل رجال، ماهو بنت. الأبطال الذكور المفروض ما يصيرون شي أساسي في الألعاب، المفروض انهم يصيرون مجرد خيار”.
هذا الموضوع ذكّرني بلعبة Remember Me اللي قال عنها واحد من مطوّرينها انه اضطر “يقاتل” عشان يخلّي البطل بنت مو ولد، برضه كين ليفين مخترع لعبة BioShock قال في مقابلة انه كان “مضطر” يحط Dewitt (اللي هو الرجال) على غلاف اللعبة ويشيل اليزابيث، على ان فعلياً اليزابيث هي البطل الحقيقي في اللعبة. حتى مطورين تومب رايدر الأخيرة تكلموا عن هذا الموضوع الحسّاس.
لذلك نبغى نعرف في استفتاء هذا الأسبوع صوتك ورأيك بهذا الموضوع الحامي!
