محمد الشريف
حضرنا لقاء صحفي مع بعض مطوري Avalanche Studios، فريق التطوير الطموح جداً واللي قدم لنا لعبة Just Cause. كثير من التشابه واضح بين اللعبتين، ولكن هل يعني هذا شي سيء؟
بدأ اللقاء بمعلومات عامة عن اللعبة، بعدها اشتغل عرض اللعبة وبدأ الحماس. اللعبة تصويب بمنظور شخص ثالث (Third Person Shooter)، عالم مفتوح، تقع أحداثها في عالم ما بعد الكوارث النووية- العالم بعد ما يصير فيه حرب عالمية نووية-، يتم التنقل عن طريق السيارات بشكل أساسي.
من الأشياء اللي لاحظتها كانت التشابه الكبير بينها وبين Just Cause، الاختلاف كان في البيئات. أعتقد الكثير راح يلاحظ الاشكالية هذي واحتمال البعض راح يشتكي منها ويحسبها كعيب من عيوب اللعبة. ما عندي مشكلة في التشابه بينها وبين أي لعبة في العالم، طالما ان اللعبة بتكون ممتعة وتعطيني تجربة ممتازة.
بما ان اللعبة تعتمد كثير على استخدام السيارات، فطبيعي ان بيكون فيها آكشن كبير. من الأشياء اللي لاحظتها في الفيديو ان بامكان اللاعب انه يقرب من سيارات الخصوم، وفي اللحظة اللي تصدم العدو صدمة خفيفة تتحول الشاشة الى اللقطات البطيئة (Slow-mo) ويطلع خيارات تصويب للاعب، هل يبي يطلق على الكفر الأمامي الأيسر؟ ولا الخلفي الأيسر؟ ولا يجرب ويطلق على اللي يسوق السيارة؟
أعجبتني الحركة هذي، خصوصاً اني لاحظت ان نسبة الفشل موجودة وواضحة. احتمال تطلق ولا تجيب الطلقة في المكان الصحيح.
من الأشياء اللي تستحق الذكر، والأشياء اللي ركزوا عليها في الديمو، هو امكانية فتح البوابات الكبيرة عن طريق ربطها بالسيارة. اذا قرّبت من أحد البيبان راح تلاحظ ان الراكب معك تلقائياً ياخذ حبل ويرميه على طرف الباب، وأنت بدورك تمشي في الجهة المعاكسة للباب وتطيّره من مكانه، كنوع من الاقتحام يعني. ميزة جيّدة جداً وواقعية برضو.
اللعبة شكلها واعد جداً، ألعاب العالم المفتوح مستهدفة من أغلب الجيمرز. هذي مع الميزات اللي شفتها فيها، احتمال تكون من الألعاب النادرة جداً اللي تنجح وهي مبنيّة على فيلم.
حسب المعلومات المتوفرة على الانترنت، اللعبة راح تصدر في 2014 على PS3, Xbox360, Xbox One, PS4, PC. برضو من المعلومات اللي تستاهل الذكر ان اللعبة مافيها أونلاين، بتكون لعبة طور قصة فقط.
هل بتنجح ماد ماكس؟ أتمنى لها النجاح، العرض اللي شفناه كان رائع جداً. كلنا كنا مبسوطين من العرض اللي شفناه. هذي من الألعاب اللي ما بألعبها وأجربها بنفسي بغض النظر عن كلام الناس، سواءً كان سلبي أو ايجابي.
وش العناصر اللي تحتاجها ماد ماكس عشان تنجح؟ شاركنا برأيك في التعليقات!ّ
بارعة
احمد خالد
أيمن اليغشي