في مقابلة مع مخرج Fallout: New Vegas، صرّح جوش سوير بأنه عنده الرغبة انه يرجع للسلسلة من جديد وان السلسلة عندها الامكانية انها تطلع على شكل لعبة أونلاين MMO (لعبة أونلاين فيها عدد كبير من اللاعبين مثل World of Warcraft).
يقول جوش: “شخصياً، أعتقد ان فيه أشياء مثيرة للاهتمام ممكن تصير لو سوينا لعبة فول آوت أونلاين MMO. فيه عشاق للجزء الثاني من اللعبة جمعوا كل موارد اللعبة وقدروا يسوون لعبة أونلاين، كانت شي ممتاز ومجنون في نفس الوقت. عشان كذا قلت اني أعتقد ان فيه أشياء مثيرة للاهتمام ممكن تصير في لعبة فول آوت أونلاين”.
تكلم جوش برضه عن المدن والمواقع اللي بيختارونها في ألعاب السلسلة الجاية، وقال ان استديو التطوير اللي يشتغل فيه يقع في كاليفورنيا، وان استديوات التطوير في أمريكا عادةً تاخذ المواقع القريبة منها أو على الأقل في الجزء الغربي (west coast) من أمريكا.
وش رأيكم لو تعلن بيذيزدا عن جزء فول آوت جديد أونلاين؟ وش بيكون موقعك خصوصاً وان لعبتهم The Elders Scrolls Online ما كانت ناجحة بالشكل المطلوب؟
