حضرنا اليوم لقاء صحفي مع مطوّري لعبة LittleBigPlanet 3، واللي تكلموا فيه بكثرة عن الأدوات اللي بتساعدك في اللعبة سواءً من ناحية تصميم المراحل او حتى لعبها.
أول شي بدأ فيه اللقاء كان بعض الاحصائيات اللي عرضوها لنا عن الأجزاء اللي قبل. عدد المراحل اللي سووها الناس في اللعبة وصل الى 9.8 مليون مرحلة، وكل هالمراحل بيتم نقلها الى الجزء الثالث من السلسلة.
الجزء هذا بيكون أكبر جزء في السلسلة، وكان هالشي واضح من اللي شفناه في الديمو. مثال بسيط: من زمان كان في اللعبة ثلاث خطوط (الخط اللي تمشي فيه الشخصية) أما الآن صار فيه 16 خط!
حسب كلام المطوّرين، تعلموا من نسخة الفيتا ان التحكم عن طريق تقنيات اللمس أسهل، ولذلك بيكون فيه استخدامات لتقنيات اللمس الموجود في يد تحكم بلاي ستيشن 4، مثل انك تقدر تستخدم منصة اللمس كفرشاة رسم بحيث تقدر تلوّن الرسمة اللي في اللعبة عن طريقها.
من الأشياء المهمة اللي عرضوها في الديمو كانت الأدوات، استعرضوا أدوات جديدة ورهيبه مثل أداة الدريل (حفّارة) اللي تقدر تكسر فيه صخور في اللعبة، بالاضافة الى شوكة تقدرتستخدمها بأشياء مثل انك تحط فيها دجاج عشان تخلي وحش معين يمشي وراك.
بتنزل ليتل بيق بلانيت 3 في 19-11-2014 حصرياً على بلاي ستيشن 3 وبلاي ستيشن 4.
