خالد عبدالله
Little Devil Inside اللعبة الجديدة الي بدأ مشروعها على موقع KickStarter، وهي فيها من طابع رسومات لعبة Wind Waker و أسلوب لعبها يشابه BloodBorne و جنون الشخصية يشبه لجنون Mad Max. اللعبة حققت هدفها للوصول للمبلغ المطلوب والي هو 250,000 دولار (940 ألف ريال).
اللعبة هي RPG وقصتها بسيطة وجميلة: بتكون مساعد لبروفسور باحث في القدرات الخارقة للطبيعة. مطور اللعبة قال “انه بعد ماتسوي المهمة الي عليك تقدر ترجع لمقرك الرئيسي و تريح شخصيتك و تزبط عدتك و أسلحتك وتستعد للمهمات الجاية”. بيكون عندك مركبة تقدر تجهزها بكامل الادوات الي تحس انها راح تساعدك في رحلتك بين العوالم، ورحلتك بين العوالم ممكن تكون عن طريق البحر أو القطار او حتى ممكن بالسيارة. وعلى حسب استعداداتك للمهمة و الأسلحة الي اخترتها راح تتأقلم صعوبة اللعبة معاك.
الجميل في الموضوع انهم يعطوك Rewards أو مكافآت لك اذا دعمتهم 🙂 مثلاً لو دعمتهم ب 5$ (19 ريال) راح يعطونك مجموعة خلفيات للكمبيوتر ، وممكن تتبرع ب 30$ (112 ريال) وراح تحصل على نسخة كاملة للعبة أول ماتنزل (نسخة تحميل) واذا انت مطنوخ تقدر تتبرع ب 1000$ (3750 ريال) فهنا راح يرسلون لك اللعبة على سي دي و يعطوك الأرت بوك حق اللعبة و كمان بيحطون اسمك داخل اللعبة في “المكتبة العظيمة”. اللعبة نازلة على الـ PC و اللينكس و البلايسيتشن 4 و الإكسبوكس ون والمطورين الآن قالو لو وصلت التبرعات لـ 270,000 دولار راح يوفرون نسخة للوي يو.
رابط المشروع على KickStarter لو حاب تعرف أكثر عن اللعبة او تتبرع. وش رايكم باللعبة؟ هل تفكر تتبرع لهم؟
بارعة
أيمن اليغشي
احمد خالد
محمد ليلة