محمد الشريف
أعلنت كونامي اليوم عن قائمة كثيرة فيها مميزات وصفات الجزء الجديد من لعبتها المعروفة PES أو بيس. هذا الجزء بيكون أول ظهور لكونامي في الجيل الجديد.
أول شي تقدر تلاحظه تطور الرسوم، والشكر موصول لأجهزة الجيل الجديد، بالاضافة الى استخدام كونامي للمحرك الجديد FOX ENGINE من تطوير كوجيما برودكشنز.
تهدف كونامي انها توصل لمستوى جديد كلياً من ناحية الواقعية في اللعب، بحيث تعيد لنا “الدراما” اللي كنا نعيشها في اللعب.
واحد من التغييرات الجذرية اللي بتسويها كونامي هي تسديد الكورة، بحيث يكون التسديد “غير مقيّد” وان التحكم فيه يكون مضبوط بدقة. برضه المناولات بيتم تحسينها وتطويرها وهذا شي أعتقد ان اللعبة من جد تحتاجه، الأجزاء اللي قبل كان المناولات فيها سيئة.
فيه أشياء ثانية بيتم تعديلها وتطويرها مثل ردة فعل اللاعبين واللي بيتم تسريعها، بالاضافة الى تحسين حركات الجمهور وانها بتكون واقعية أكثر من قبل.
أخيراً، تقول كونامي ان استخدام محرك فوكس أعطاها القدرة انها تطلّع اللاعبين بشكل واقعي، وانها أعادت بناء رسومات 1000 لاعب.
واضح ان كونامي تبغى تدخل الجيل هذا بقوة، عكس الجيل اللي راح اللي دخلت بشكل ضعيف وتقدمت عليها فيفا وقدرت تتطور وتحافظ على تطورها طول الجيل. هل تتوقعون ان هذي رجعة كونامي للمقدمة في كرة القدم؟
احمد خالد
