Saudi Gamer
انتهى قبل شوي مؤتمر كونامي الخاص بمعرض جيمزكوم 2014. المؤتمر كان يختلف عن باقي المؤتمرات من حيث انه ما فيه ألعاب كثيرة، ما كان فيه الا لعبة Metal Gear Solid V: The Phantom Pain ولعبة P.T أو لعبة سايلنت هيل الجديدة.
قبل لا ندخل في ملخص المؤتمر، تسرّب اليوم خبر نزول لعبة ميتال جير سوليد 5 ذا فانتوم بين وجراوند زيروز على البي سي وفي شبكة ستيم، ولكن كونامي عرضته في المؤتمر بغض النظر عن التسريب اللي صار.
بدأ المؤتمر بعرض جديد لميتال جير سوليد 5، واللي عرض فيه كوجيما كيفية انهاء المهمة اللي عرضها في ديمو E3 ولكن هالمرة بشكل مختلف. الفيديو لا يخلو من الفكاهة اللي تعودنا نشوفها من كوجيما.
بعدها استعرض كوجيما بعض الخواص الجديدة للكرتون أو الصندوق، وهو شي تميّزت فيه السلسلة.
أعلن كوجيما بعدها عن نسخة البي سي لميتال جير، واللي قلنا انها تسربت. طريقة العرض كانت ظريفة، تقدر تشوفها بالفيديو:
بعدها انتقلوا الى فقرة أسئلة وأجوبة مع الجمهور، وهذي بعض الأشياء المهمة اللي اخترناها من الأجوبة:
- الجمهور طلب من كوجيما موعد لاصدار اللعبة، لكنه ما قدر يعطي تاريخ محدد واكتفى بجملة “خلوكم معنا”.
- اسم P.T هو اختصار لاسم Playable Teaser واللي يعني تشويقة تفاعلية، والاسم الحقيقي للعبة Silent Hills.
- الى الآن مافيه أي موعد لاصدار لعبة سايلنت هيل الجديدة.
- كوجيما خلا اللغز الأخير في P.T صعب جدًا بالعاني، لكنه تفاجأ بأن اللاعبين قدروا يخلصون اللعبة في يوم واحد.
- اضطر كوجيما انه يقلل من جودة P.T عشان ما يجي على بال اللاعبين انها من كوجيما.
- كوجيما يبغى لعبة سايلنت هيل الجديدة تكون مخيفة جدًا.
وهذي فقرة الأسئلة للي يبي يشوفها كاملة
هذي أهم الأشياء اللي صارت في المؤتمر. وش كان رايك فيه؟
بارعة
احمد خالد
