أخبار

كونامي تطلب آراء وانطباعات اللاعبين عن ميتال جير سوليد: جراوند زيروز

mgsgzps4coverphoto

يبدو ان كونامي استفادت من اطلاق جراوند زيروز كلعبة مستقلة، على الأقل عشان تقدر تحصل على آراء اللاعبين وانطباعاتهم عنها عشان ياخذونها بالاعتبار ويطبقونها على ميتال جير سوليد 5: ذا فانتوم بين (Metal Gear Solid V: The Phantom Paon).

الأخ كينيتشيرو إيمازومي (Kenichiro Imaizumi) منتج في كوجيما برودكشنز، كتب على تويتر وسأل الناس:” فيه أي شي تبغونا نصلحه في جراوند زيروز من ناحية التحكم؟ نبغى آراءكم وانطباعاتكم عشان نطبقها على ذا فانتوم بين”.

بعد فترة بسيطة، رد عليه واحد وأعطاه رابط للموقع المعروف نيوجاف (Neogaf)، الرابط فيها هو موضوع كاتبين الناس فيه آراءهم عن جراوند زيروز. كتب الأخ ايمازومي بعدها تويت شكر فيها الكل على استجابته مع طلبه، وقال انه بياخذ كل هالآراء وبيعرضها على كوجيما وباقي الفريق عشان يطبقونها على ذا فانتوم بين.

فكرة جميلة، بما ان جراوند زيروز وفانتوم بين هم أساساً لعبة وحدة ولكن كونامي قررت تقسمها الى لعبتين. على انها كانت مغامرة كبير من كونامي انها تسوي شي زي كذا، الا انها قامت تستفيد منه. أعتقد ان هذي خطوة موفّقة من كونامي.

جراوند زيروز، من أكثر الألعاب اللي أثارت الجدل هذي السنة. قيّمناها، فيه اشاعة منتشرة تقول انك لو فتحت الرابط وقريت التقييم تلقائياً بتصير رهيب، لدرجة انك بتجيك قشعريرة. جاتك قشعريرة؟ أجل معناته انك رهيب 🙂

وش العيوب اللي شفتها في جراوند زيروز وتتمنى انها تتصلح في ذا فانتوم بين؟

المصدر

الوسوم
اظهر المزيد

محمد الشريف

كاتب ومدير تحرير موقع سعودي جيمر. أعشق ألعاب الفيديو من يومي صغير (ايه كلنا كذا)، أحب ألعاب التخفّي والرعب، وأعشق سلسلة Metal Gear ولعبة Silent Hill وICO.
إغلاق