عندك آيفون وتحب ميتال جير؟ كوجيما جاب لك شي ممكن يعجبك. أرسل الأخ كوجيما صورة على تويتر فيها غطاء رهيب للآيفون، بحيث تخلّي شكل جوالك كأنه جهاز iDroid (الجهاز اللي تشوف فيه الخريطة ومعلومات المهمة وغيره) اللي مع سنيك في ميتال جير سوليد 5: جراوند زيروز.
حالياً مافيه أي معلومات عنها غير هالصورة، وقال كوجيما ان المعلومات الكاملة بتنزل بكرة. متى ما نزلت المعلومات حدثنا لك الخبر، تابع هالخبر وبتلقاه محدّث بكل التفاصيل!
توقعاتي انه بيكون متوفر للبيع لكن بعدد محدود، مثل ما صار مع الجاكيت حق ميتال جير جراوند زيروز وغيره من الأشياء الرهيبه اللي يسوونها للناس اللي مهتمة بهذي الأشياء.
لا تخافوا ولا تحزنوا آل أندرويد، لقد قمت بالضغط -كوني قائد النضال الأندرويدي الطاهر- على المدعو هيديو كوجيما الى أن يرضخ ويقوم بالبكاء ويتوب عمّا يفعل.
وش رأيك بهذا الغطاء؟ هل تتوقع انك بتشتريه لو كان سعره معقول؟
