محمد الشريف
اليوم نزلت الكثير من الأخبار عن ميتال جير سوليد 5، بعد مقابلة حامية لكوجيما (مخترع السلسلة) تكلم فيها عن مواضيع كثيرة.
أول التصريحات كانت اجابة على سؤال من IGN الأمريكي، واللي سألوه عن نهاية ميتال جير سوليد 5: جراوند زيروز واللي قالوا عنها آي جي ان انها “من أكثر اللقطات فظاعة وقساوة اللي شفناها في ألعاب الفيديو على الاطلاق. اللقطة كانت قاسية، عنيفة، مؤلمة، مفجعة. ما راح أخرب عليكم النهاية وأقولها، لكنها بتجذب انتباه الناس”.
بعد ما سألوا كوجيما عن سبب وضعه لمشهد مخيف مثل هذا، علّق كوجيما:” من زمان وأنا أفكر بالمواضيع الحساسة. اذا ما تعدينا الخط الأحمر، اذا ما تجرأنا وسوينا الشي اللي نبغاه، فما راح نقدر نوصل للانجازات اللي وصلت لها الروايات والأفلام. اذا ما تجاوزنا الحدود في الألعاب، فراح تبقى الألعاب مجرد ألعاب للأبد”.
“شف بريكينج باد مثلاً، أشوف الناس اللي اشتغلوا عليها يحاولون يوصلون رسالتهم بكل وسيلة يقدرون عليها. للأسف اذا شفنا عالم ألعاب الفيديو، بنلاحظ ان مافيه ألعاب مثل كذا. ما أطالب كل الألعاب انها تتجرأ مثل كذا، لكن حنا عندنا رسالة نبغى نوصلها. ووحدة من المواضيع الرئيسية في ميتال جير سوليد 5 هي الانتقام”.
أخيراً، قال أنهى كوجيما الموضوع هذا بقوله:” أدري ان الكثير بينتقدني على هذي الجرأة، لكنها من جد خطوة ما أبغى أتراجع عنها”.
أما بالنسبة للتصريح الثاني، فهو متعلق بميتال جير سوليد 5: ذا فانتوم بين، اللي هو اللعبة الأساسية والكاملة. كوجيما تكلم عن حجم اللعبة الكبير وقال:” ذا فانتوم بين أكبر من جراوند زيروز بأكثر من ميتين مرة. احتمال كبير انها بتكون من الألعاب اللي اللاعبين ما راح يقدرون يخلصونها كلها بكل مهماتها (الجانبية والأساسية وغيرها)”.
أخيراً، تكلم كوجيما عن نواياه في تطوير نسخة للكمبيوتر (PC)، وان نسخة البي سي بيسويها “في نهاية المطاف”، ولكنه قال ان نسخ الأجهزة المنزلية هي اللي لها أولوية حالياً.
تصريحات مهمة لعشاق السلسلة واللي ينتظرون ميتال جير سوليد 5، خصوصاً وان جراوند زيروز، اللعبة اللي أثارت الجدل في كل مكان، على وشك تنزل أخيراً.
بارعة
احمد خالد
أيمن اليغشي