تكلم كوجيما على تويتر عن بعض المعلومات القادمة لميتال جير سوليد 5: ذا فانتوم بين وان العرض اللي بيسويه في معرض E3 لهذي السنة بيجاوب على بعض التساؤلات اللي جات للاعبين بعد ما لعبوا جراوند زيروز.
اضطريت أحذف بعض كلامه اللي يتعلق بجراوند زيروز واللي ممكن يخرّب على البعض، وخليت باقي الكلام. يقول كوجيما على تويتر: ” الكثير من اللاعبين يتساءلون عن حجم اللعبة واضافة الوقت (يقصد ليل ونهار) وتغيّر الأجواء في اللعبة، وهذا الشي نسميه “التخفّي الحر” (يقصد بالحر عالم اللعبة المفتوح) ويقولون: قد ايش بتكون اللعبة؟ وبنعرض للكل بعض من هذي الأشياء في معرض E3″.
تكلم برضه كوجيما عن الترابط بين Peace Walker وGround Zeroes وأهميتها بالنسبة للجزء الجاي The Phantom Pain.
أخيراً، كونامي كتبت تويت تشويقي لذا فانتوم بين وحطّت معه صورة كتوب عليها Not for any nation (ماهو من أجل أي دولة) وهذي جملة مرتبطة بقصة اللعبة اللي تتمحور حول الانتقام. هذا الشي استنتجناه من العرض الخرافي اللي عرضوه كونامي في معرض E3 السنة اللي راحت. بامكانك تشوف العرض مرة ثانية:
العرض الجديد لذا فانتوم بين بيكون في 10 يونيو، حسب ماهو مكتوب في التويت.
وش تتوقع بيكون في عرض ذا فانتوم بين هذي السنة، وهل تتوقع ان كونامي بتعلن عن تاريخ اطلاق اللعبة المنتظرة؟
