الأخ مايكل مُت (Michael Mott) مدير العلاقات مع المطوّرين لشركة مايكروسوفت، يتمنى ان في يوم من الأيام كينيكت تصير قادرة على انها تشغل بيتك بالكامل. تخيل انك داخل غرفتك، وبمجرد أوامر صوتية منك تقول لكينيكت يفتح المكيف والتلفزيون أو يشغل لك موسيقى، هذا اللي تتمناه مايكروسوفت انه يصير مع كينيكت في المستقبل.
يقول مايكل: “لو دخلت غرفتي، بيكون شي رهيب ان الموسيقى اللي أحبها تشتغل بشكل تلقائي، أو ان المكيّف حق غرفتي يشتغل على البرودة الخفيفة اللي طلبتها منه”.
يعتقد مايكل ان مطورين البي سي هم النقطة الأساسية في هذا الموضوع، لكن المشكلة ان مطوّري البي سي ماهم مهتمّين بالكينيكت بشكل كافي.
اللي جرّب الكينيكت مع الاكس بوكس ون احتمال يشوف ان هذا شي ممكن في المستقبل، خصوصاً اذا أعطيت الكينيكت أمر وقلت Xbox, on! وتشوف الجهاز يشتغل ويشغل معه التلفزيون والسماعات الميحيطة معها بشكل تلقائي، ياخي شي رهيب. هذا غير الأوامر الرهيبه والكثيرة اللي تقدر تعطيها للجهاز.
وش رايكم في الكينيكت الى الآن؟ وهل تشوفون انه يستاهل زيادة 100 دولار (حوالي 375 ريال) على سعر الجهاز؟
