شركة جوريلا جيمز (Guerrilla Games) المطور لسلسلة كيلزون (Killzone) نشرت اعلان توظيف لمشروعها الي ما اعلنت عنه. طالبين ناس عندهم خبرة في نماذج المحتويات الي بفلوس داخل اللعبة و تركيز اجتماعي كبير.
جا الاعلان بعد ما اتاكدنا ان الشركة عندها مشروع جديد. رئيس التصميم اريك بولتجس (Eric Boltjes) يقول “رح اكون صادق معاكم ايوه هذا الي يحصل الان، لكن ما اقدر اقولكم ايش احنا نفكر فيه. كاستوديو احنا نبغى يكون لنا فروع، وبدأنا نشتغل على مشروع جديد، شي مختلف تماما عن كيل زون. ما ابغى اقول عنه شي الحين، لكن كاستوديو نبغى نخليه شي متجدد.”
اعلان التوظيف يطلب مصممين سبق و طوروا محتويات بفلوس داخل اللعبة و/أو نماذج ايرادات متكرره غير تقليدية. و طوروا او دعموا مجتمعات الالعاب الاونلاين او عناوين لها تركيز اجتماعي كبير.
الاستوديو يطلب ناس لهم خبرة في اللعب اونلاين، ولهم سجل يثبت نقلهم للالعاب مع تركيز كبير عالاونلاين. المرشحين لازم يكون عندهم خبرة في تصميم انظمة: اطوار الالعاب، تقدم اللاعب، توازن، تطور المراحل، و تصميم نهائي للعبة، الخ.
ماهو واضح ايش هو المشروع، لكن في مؤتمر E3 2014 ممكن نشوف اعلان خلال مؤتمر سوني، ويمكن لا. راح نعرف في شهر يونيو.
ايش توقعاتكم للمشروع الجديد؟ وهل تتوقعون راح يعلنون عنه في E3 لهذي السنه؟
