أحمد قربان
موضوعي ببساطة يناقش الواقعية في الالعاب، هل لازم تكون فيه واقعية في الالعاب عشان نشتريها وتعجبنا؟ وكيف تأثر الواقعية على اللعبة؟ لاحظنا في الفترة الاخيرة ان الالعاب تتوجه الى زيادة الواقعية خصوصا مع الجيل الجديد، و راح اتناقش معاكم عن الواقعية و بعطي بعض الامثلة لبعض الالعاب اللي تستخدم الواقعية عشان توضح الصورة اللي ابغا اوصلها لكم من وجهة نظري.
الفرق بين الواقعية والرسوم
اول شيء لازم نعرفه هو الفرق بين الواقعية والابداع في الرسوم، الواقعية معناها ان اللعب يكون واقعي وتكون الرسوم (graphics) قريبة من الحقيقة بشكل كبير، مثل لعبة فيفا (Fifa) ولعبة جراند تريسمو (Gran turismo) ولكن هذا بالنسبة للواقعية، من جهة ثانية فيه العاب الجرافكس فيها عالي ولكن الواقعية فيها ضعيفة، مثل العاب الانيمشن ومثل لعبة لتل بيق بلانيت (Little Big Plant) وايضا لعبة سلاي كوبر (Sly Cooper) واخيرا لعبة تير اواي (Tearaway)، اللي ابغا اوصله انه ممكن تكون لعبة الجرافكس حقها عالي وواقعيتها ضعيفة والعكس صحيح ايضا، و هذا شيء لازم نعرفه.
هل الواقعية الزائدة مهمة وتجعل اللعبة افضل؟
من وجهة نظري ان الواقعية متطلب مهم و لكن زيادتها تقتل اللعب وتجعل اللعبة غثيثة. اقرب مثال لهذه السنة هي لعبة فيفا 14 (Fifa 14)، انا متأكد ان أغلب الناس يختلفون معي في هذي النقطة، اللعبة جربتها على الجيل الجديد والقديم و في كل الجيلين اللعبة سيئة جدا والواقعية والثقل في اللعب قتل متعة اللعبة، لا ننسى انها في النهاية اسمها “لعبة” و هي للوناسة و الفلة و مهيب مطابقة للحقيقة. في نظري اجمل جزئين في السلسلة كانو فيفا 10 (Fifa 10) و فيفا 12 (Fifa 12)، فيفا 10 كان خالي من الواقعية وهذي كانت سلبيته الوحيدة، اما فيفا 12 فهو الأرهب بالنسبة لي، لعب خفيف وسريع وبواقعية مقبولة جداً وتستمتع وانت تلعب.
مثال آخر عشان توضح الصورة اكثر، لعبة نيد فور سبيد قوست (Need For Speed Ghost) اللي راح اختصر اسمها ب نيد ولعبة جي تي (Gran turismo)، اللعبتين عبارة عن سيارات لكن فيه فرق شاسع بينهم، اتوقع لو تسأل كثير من محبين العاب السيارات وش تحب من هاللعبتين؟ راح يجاوبك نيد. السبب لان اللعبة ممتعة وواقعيتها مقبولة، عكس لعبة جي تي اللي واقعيتها جدا عالية وهذا الشي جعل اللعبة مملة و تجيب النوم بعض الأحيان.
اعتقد النوع الوحيد من الالعاب اللي يتطلب واقعية عالية و يخلي اللعبة ممتعة هي العاب الرعب، لان كل ما كانت اللعبة واقعية وكان البطل ضعيف وخايف بشكل واقعي راح تنجذب للعبة، واذا كان البطل قوي و مايخاف راح تصير اللعبة كلها اكشن و يختفي عنصر الرعب مثل اللي صاير مع العاب ريزدنت ايفل (Resident Evil) حاليا.
المتعة اهم من الواقعية
اي عاشق للألعاب اهم عنصر عنده هو المتعة في اللعب، العاب مثل لتل بيق بلانيت، تير اواي، كراش (Crash) وغيرها، العاب تقدر تقول واقعيتها صفر لكن جمال اللعبة و اسلوب اللعب الممتع خلانا ننسى شي اسمه واقعية وخلانا نستمتع في اللعب.
المعادلة الصعبة
المعادلة الصعبة واللي تؤثر على نجاح اللعبة من وجهة نظري هي الموازنة بين الواقعية والمتعة (اللاواقعية)، العاب كثيييير طبقت هذي المعادلة بنجاح مثل اللعبة المسيطرة حاليا على كلام الناس وهي اساسنز كريد (Assassin’s Creed IV) وعندك سلسلة انشارتد (Uncharted) وايضا لاست اوف اس (The last Of Us) وغيرها الكثير. كل هذي الالعاب جمعت الواقعية والمتعة في اسلوب اللعب و في سرد القصة و في الحوارات وحتى تكوين الشخصيات. الزبدة هي تطبق واقعية بحيث تكون اللعبة قريبة من واقع اللاعب، ولكن ماننسى انها في الاخير لعبة و هي للمتعة اكثر من انها تطبيق للواقع بشكل كامل.
إيش استنتجنا؟
أستنتجنا ان الواقعية مهمة لكن كثرتها تقتل اللعب و اننا نقدر نلعب العاب خالية من الواقعية و تكون رهيبة وجميلة. وعرفنا الفرق بين الواقعية والجرافكس العالي. استنتجنا ان المتعة اهم من الواقعية. عندك وجهة نظر مختلفة، تؤيد ان الواقعية تكون عالية حتى لو قتلت المتعة؟ تتفق معي؟ شاركنا رأيك في التعليقات.
أيمن اليغشي
احمد خالد
