أعلن الخبر كين ليفين في موقع الاستديو الرسمي، انه بيقفل الاستديو وبيطلع منه ومعه 15 موظّف. أما بالنسبة لتوجّهه الجاي، فذكر ليفين انه بيسوّي استديو جديد لكنه تابع للشركة الأم 2K، اللي هي نفسها الشركة المالكة للأستديو حقهم اللي تقفل.
أما بالنسبة لمشروعه الجاي، فقال انه “بيجي مع الوقت”، وان ألعابه الجاية بتكون “مبنيّة على القصة” و”تعيدها أكثر من مرّة” وانها للاعب التقليدي، ونقصد بالتقليدي اللي ماهو casual ولا هو hardcore، لكن بينهم.
برضه قال ان ألعابه الجاية كلها محتويات رقمية، بمعنى ان كلها تنباع على المتاجر الالكترونية مثل بلاي ستيشن ستور واكس بوكس لايف وستيم.
وش بيصير في بيوشوك؟ يقول كين ليفين:” بنسلّم مشروع سلسلة بيوشوك الى 2K”. وبهذي الجملة نقدر نقول ان علاقة كين ليفين، مخترع السلسلة المشهورة، انتهت للأبد.
الخبر فاجع ومؤسف، صحيح ان كين ليفين ذكر انه يبغى يبدأ مشوار جديد، لكن لا بد ان وضع الاستديو ما كان مضبوط. لعبة بيوشوك الأخيرة أخذت وقت طويل مرة في التطوير، وباعت مبيعات كثيرة لكن ما أعتقد انها وصلت للمبيعات اللي كانوا يطمحون لها.
