في حال كنت من مستخدمي أجهزة iOS وحسابك أوروبي ممكن هالخبر يضايقك شوي لأن شركة أبل ناوية ترفع أسعار تطبيقات متجر App Store مرة ثانية بعد الزيادة الأولى اللي إرتفع فيها سعر أرخص تطبيق من 0.59 باوند (3.35 ريال ) إلى 0.69 باوند ( 4.9 ريال ).
حتى الآن موب باين كمية الزيادة اللي بتصير بعد ما يتم تطبيق قرار رفع الأسعار خلال 30 ساعة الجاية في بعض دول القارة الأوروبية. سبب الزيادة هو التعديل في قيمة ضريبة تكلفة الإنتاج وهي فارق سعر التكلفة وسعر المبيع للمنتج.
قرار إرتفاع الأسعار راح يتم تطبيق على كامل القارة الأوروبية بالإضافة إلى كندا والنرويج. بينما راح تنخفض الأسعار ايسلندا وراح تتغير في روسيا لكن مو واضح إذا التغيير بيكون خفض إو زيادة في الأسعار.
على طاري ألعاب الجوال، قبل كم يوم كتبنا عن أرقام ما تبشر بالخير لألعاب الجوال. ممكن رفع الأسعار بيساعدهم شوي.
أهم شيء هالقرار ما يوصل للحسابات السعودية والأمريكية اللي يستخدمها غالبية الناس عندنا. وش رأيكم شباب هل ممكن هالزيادة توصل لمناطق ثانية؟ شاركونا أرائكم في التعليقات.
