محمد الشريف
في مقابلة جديدة مع Hajime Tabta، مخرج لعبة فاينال فانتسي 15، ناقش عناصر كبيرة ومهمة عن اللعبة.
أولاً، أهم العناصر اللي تكلم عنها هي عالم اللعبة المفتوح. عالم اللعبة بيكون مفتوح بالكامل ومتصل ببعضه، ما راح يكون عوالم مفصولة ( مثل دراجون ايج الأخيرة).
يقول تاباتا:
” عالم اللعبة بيكون متصل ببعضه لو فصلنا اللعبة وخليناها عوالم منفصلة، فهذا شي بيكون بعيد عن الواقعية. في لعبة فاينال فانتسي 15، بامكانك تمشي أو تركب قطار أو تاخذ سيارة وتروح لأي منطقة موجودة في عالم اللعبة. أتصوّر انك بتحس انك في عالم حقيقي اذا لعبتها”.
” المدن والقرى اللي بتشوفها في عالم اللعبة والاشارات الثقافية (يقصد ان فيه ثقافات مقتبسة من الحقيقة) اللي فيها بتحسسك بواقعيتها. هذا المبدأ موجود من بداية تطوير اللعبة، من يوم ما كان اسمها Versus (الاسم القديم للعبة)”.
سألوه في القابلة عن امكانية وجود طيارات تنقلك من مكان الى مكان، رد تاباتا:
” عشان أكون صريح تماماً معك، هذا الشي لسا ما اتخذنا قرار فيه. فريق التطوير يدري عن هذا الشي وان الناس يبغونه، لكنه تحدي تقني كبير بما ان المناطق كلها متصلة ببعضها. حنا حالياً نحاول نتجاوز هذا التحدي”.
فاينال فانتسي 15، اذا كنت متابع أخبارها من بدري، كانت داخلة في دوّامة من المشاكل التطويرية اللي خلّت اللعبة تجلس تحت التطوير لفترة طويلة، بحيث تم الاعلان عنها عام 2006 باسم Final Fantasy XIII Versus ولا طلعت الى الآن! لكن قبل فترة تم عمل تغييرات جذرية فيها، بحيث استبعدوا المخرج الأساسي للعبة وجابوا المخرج الجديد، هاجيمي تاباتا، واللي حالياً يعتبر الأمل الوحيد للعبة.
” عندي تحديات صعبة كثيرة قدامي مع فاينال فانتسي 15: التجاوب مع جمهور السلسلة، المتطلبات التقنية للعبة، التغييرات الكبيرة اللي تصير في الشركة. فيه أسباب كثيرة جدًا ولا أحس اني متأكد ليش أعطوني هالفرصة وخلّوني أمسك مشروع فاينال فانتسي 15. لكني بأسويه طالما انهم طلبوه مني. أنا مؤمن انهم أعطوني تحدّي كبير، وأحس اني فخور جدًا بهذي الفرصة.”
قبل فترة طلعت اشاعة عن احتمال وجود طور أونلاين في فاينال فانتسي 15. وكتبنا أمس مقابلة مهمة مع نفس الشخص بخصوص لعبة فاينال فانتسي Type-0.
وش رأيك في المقابلة؟
بارعة
