يزيد السويري
يقول يوشيدا رئيس استوديوهات سوني العالمية لموقع Polygon:” أن المطورين المستقلين متحمسين على مشروع مورفيوس و جاهزين يخاطرون بهذا المشروع في ألعابهم أكثر من الشركات الكبيرة”.
“أنا مرة متحمس إني أشتغل مع المطورين المستقلين لأننا يوم تواصلنا مع مطوري شركات الطرف الثالث و كالعادة قالوا ، واو احنا مرة متحمسين بس تدري لازم نأخذ موافقة من الإدارة المالية في الشركة”.
“صعب جدا إن الشركات الكبيرة توافق على شيء ما هم متأكدين من نجاحه في السوق، لكن ردة فعل المطورين المستقلين كانت مغايرة تماما و قالوا بأنهم أحبوا المشروع و راح يطورون عليه ألعاب و بسبة هذا الحماس و الشجاعة اللي عندهم فيه ألعاب من مطورين مستقلين كثيرة في السوق الآن”.
يقول يوشيدا بأن المطورين المستقلين بالعادة يبون يسوون تجارب مختلفة عشان ما عندهم الموارد الكافية بانهم ينافسون الشركات الكبيرة بشكل مباشر.
“و هذا الفكر مناسب جدا لسوق العاب الواقع الافتراضي، و هذا بالضبط اللي نحتاجه. ما نبي الناس تقول ها وشلون أسوي بورت لهذه اللعبة على هذا الجهاز؟ نبي الناس تقول، وش الاشياء الرهيبة الفريدة اللي نقدر نسويها مع هذه التقنية”.
” و عشان هالسبب أنا مرة متحمس إني أعطي الكثير من عدد التطوير لمطوري الالعاب المستقلة على البلاي ستيشن 4″.
رغم أن المنتج النهائي موب جاهز، سوني أعلنت عن مشروع مورفيوس في معرص GDC لانها قدرت توصل لمرحلة أصبح إنتاج عدة التطوير بكميات كبيرة ممكن و أن يوشيدا يتمنى بأن توصل هذه العدد لمئات المطورين على البليستيشن4.
بصراحة أنا خايف إن هالمشروع يفشل رغم إني متحمس جدا للفكرة لكن ما وددي يأثر نجاح او فشل هالمشروع على الطريقة التقليدية اللي نلعب بها أجهزتنا. أنتم وش رايكم متحمسين لمشروع مورفيوس او لا؟ أو تفضلون التحكم التقليدي ؟
بارعة
احمد خالد
